Наставник - сайт Открытых уроков. Учителя Казахстана. Образование в Казахстане
.
.
«Математика әлемі»  8 – сынып оқушылары арасында -

«Математика әлемі» 8 – сынып оқушылары арасында

Сабақ жоспары | Предметы | Математикадан ашық сабақтар Загрузок: 0 | Просмотров: 4613 | Размер: | Автор: Нартай4540
. «Математика әлемі»
8 – сынып оқушылары арасында
Мақсаты: Оқушылардың ойлау қабілетін, ой ұшқырлығын, оқуға ынтасын,
математика пәніне қызығушылығын арттыру, алдағы
сынақтарға алдын-ала дайындау. Оқушыларды ұйымшылдыққа,
жауапкершілікке, өзін-өзі тәрбиелеуге баулу.
Көрнекілігі: презентация, безендірілген зал.
Жоспары: І. Ұйымдастыру кезеңі.
Таныстыру сәті
ІІ. “Кім тапқыр?»
ІІІ. Математика мақал-мәтелде
ІV. Жұмбақтағы математика
V. Математикалық сұрақтар
VІ. «Ерте-ерте, ертеде...»
VІІ. «Тапқыр болсаң тауып көр»
VІІІ. Қорытынды
Жүргізуші: Қайырлы күн, білім сүйер қауым! «Математика әлемі» атты іс-шарамызға қош келдіңіздер!
«Арифметика математиканың, ал математика ғылымдардың патшасы» деп ұлы ғалым Гаусс бекер айтпағаны белгілі. Осы нақыл сөзді бүгінгі іс-шарамыздың ұраны ретінде алып, «Математика әлеміне» сапарымызды бастайық.
Бүгін математикалық іс-шара 8 сынып оқушылары арасында өтеді. Оқушылар 2 топқа бөлінген. Ортаға І топ: «???», ІІ топ: «????» топ сайыскерлерін ортаға шақырамыз.
Математика сырлары,
Қызықтырды біздерді.
Ойынға бірге қатысуға,
Шақырамыз сіздерді, - дей отырып сайыскерлеріміздің білімін сынайтын және өздерінің әділ бағаларын беретін әділ-қазылар алқасымен таныстырып өтейін.
(Әділ-қазылармен таныстырады)
І. Келесі кезекте таныстыру сәті
І топ «???» тобы.
Ұраны:
Сәлемдесуі: Біз дайынбыз бұл сайысқа достарым,
Көрсетеміз бізде қандай күш барын.
Алға қойған мақсатымыз бір екен.
Сәтті болсын сапарымыз әрдайым.
ІІ топ. «????» тобы.
Ұраны:
Сәлемдесуі: Қиындықтан сірәда біз қашпаймыз,
Алғырлық пен тапқырлықты ұштаймыз.
Қияларға самғап ұшқан құстаймыз,
Шегінбейміз жеңістерге бастаймыз.

ІІ. «Кім тапқыр?»
«Білімділер» тобына.
Ярметигео – ГЕОМЕТРИЯ, мароглелалрапм – ПАРАЛЛЕЛОГРАММ, даквтра – квадрат,


«Болашақ»тобына. Римтимясе- Симметрия, яцетипра – трапеция, утедең - теңдеу
ІІІ. Математика мақал –мәтелде
Жүргізуші: Келесі біздің кезеңіміз «Математика мақал-мәтелде» деп аталады. Мұнда мен мақалдың басын айтамын, сіздер жалғасын табуларыңыз керек.
1-топқа.
1. Бір тал кессең , .... (он тал ек)
2. Алтау ала болса, ауыздағы кетеді .... (төртеу түгел болса, төбедегі жетеді)
3. Досыңды үш күн сынама, (үш жыл сына)
4. Білгенің бір тоғыз... (білмегенің тоқсан тоғыз)
2-топқа.
1. Бір кісі қазған құдықтан, (мың кісі су ішеді)
2. Ұлға отыз үйден .... (қызға қырық үйден тыю)
3. Білекті бірді жығады, ...(білімді мыңды жығады)
4. Жақсы жігіт он бесінде де жас емес, ....(жүзге келсе де пәс емес)
ІV. Жұмбақтағы математика
Жүргізуші: Келесі кезеңімізде қатысушы топтарға математикалық жұмбақтар жасырылады. Әр топ өз жұмбақтарының шешуін 1 минут ойласып алып жауабын береді.
1-топ. 1. Алды –артымыз шексізде
Жете алмайсыз біздерге
Сәуле менен кесінді шыққан тегін білсін бе? (түзу)
2. Бір кемпір: Сапырып-сапырып Сарманға бер,
Құйып-құйып Құрманға бер,
Есіктегі екеуге бер,
Төрдегі төртеуге бер
Өзің іш те маған бер деген екен. Мұны естіген ұрылар – «Қой мұнымыз болмас. Бұл үй толы кісі болды, әрі бізден екі есе артық екен, кетейік»-деп кетіп қалыпты. Кемпір тапқырлығымен ұрылардан осылай аман қалыпты. Сонда үйдегі адам нешеу, ұры қанша? (10 адам, 5 ұры)
2-топқа. 1. Нәрселерді санағанда
Керек бізге ауадай
Айтыңдаршы бұл қандай сан
Жан-жағына қарамай (натурал)
2. Түйе, бота маң басқан,
Төрт аяғын тең басқан.
Шұнақ құлақ бес ешкі
Қос лақты қос ешкі
Төрт қозылы екі қой
Бәрін білсең санап қой. (17)
Жүргізуші: сайыскерлерімізге үзіліс берейік ал қазір ортаға біздің сайысымызға музыкалық сәлеммен келіп отырған ___________ оқушыларын ортаға шақырамын.
V.Математикалық сұрақтар
Жүргізуші Әр топқа 4 сұрақтан беріледі. Сұрақтарға дұрыс жауап 1 ұпайдан есептеледі.
1-топқа.
1. Қандай санның кез-келген дәрежесі сол санның өзіне тең? (1)
2. 2 мен 3-тің арасына қандай таңба қойғанда 2-ден үлкен, 3-тен кіші сан шығады? (үтір)
3. Үстел беті төртбұрышты, оның бір бұрышын
арамен кесіп алсақ, неше бұрыш қалады? (5 бұрыш)
4. Төртбұрыштардың түрлерін атап, олардың өзара өзгешеліктерін айтып шық. (ромб. Трапеция, квадрат, параллелограмм, тіктөртбұрыш)
2-топқа.
1. Қатар тұрған 3 санның қосындысы да көбейтіндісі де 6-ға тең. Бұл қандай сандар? (1,2,3)
2. Санның жүзден бір бөлігі (пайыз)
3. Фалес теоремасын айт. (Параллель түзулер бұрыштың бір қабырғасынан пропорционал кесінділер қиятын болса, екінші қабырғасын ан да пропорционал кесінділер қиып өтеді)
4. Жанұяда 2 ұл және әр ұлдың 2 әпкесі, 1әкесі бар. Әр қыздың бір анасы бар. Жанұяда барлығы қанша адам бар? (2ұл, 2 қыз, 1 әкесі, 1 анасы - 6 адам)

VI. «Ерте, ерте, ертеде...»
Жүргізуші: Бұл кезең шығармашылық кезең деп саналады. Кезеңнің негізгі шарты: әр команда өзіне берілген тақырып бойынша 3 минут ішінде ертегі құрастыру қажет. Сайыс 10 ұпай бойынша бағаланады.
ТӨРТБҰРЫШТАР.
VІІ. «Тапқыр болсаң тауып көр»
Жүргізуші: Әр топқа 3 стақан және ақ парақ беріледі. Сол заттарды пайдаланып 2 стақанның үстіне 3-ші стақанды бір-біріне тимейтіндей етіп орналастыру қажет.
Скачать методички (классные уроки) для учителей по разным предметам: история, литература, физика. Как провести урок с учеником, вам поможет грамотно составленный план урока. Занятия по математике, литературе, физике, информатике, химии, психологии.
.