. Б.Қ.О. Орал қаласы
№25 орта жалпы білім беретін мектебінің
4 «А» сынып оқушысы
Талап Сәния

Бабамыздың қанымен, анамыздың көз жасымен жеткен тәуелсіздікке биыл 24 жыл толмақшы. Тәуелсіздік келгелі бері әр үйге береке кіріп, ырыс- құт қонып алдымыздан дамудың ғажайып есігі ашылды. Елімізде жоғарғы оқу орындары, мектептер, бала-бақшалар, әсем ғимараттар бой түзелді. Сондай – ақ біздің еліміздің дамыған 30 ел қатарына кіруге мүмкіндігіміз бар.Мұның бәрі тәуелсіздіктің арқасы. Ал ол оңайлықпен келген жоқ. Осы жолда ата- бабаларымыз тер төкті. Өздерінің өмірлерін қиған. Олардың еңбектері зая кеткен жоқ. 16 желтоқсан көтерілісі де үлес қосты. Бұл оқиға 1986 жылы 16 желтоқсан күні. Алматыдағы Республика алаңында болды. Осы көтерілісте Қайрат, Ербол, Сәбира, Ләззат деген апа-ағаларымыздың ерліктері көзге түсті. Олар өз елдерін жан тәндерімен қорғады. Осы істеген істері үшін барша жұрт қаһармандарды құрметтейді, қадірлейді, сағынышпен еске алады. 1991 жылы 16 желтоқсан күні Қазақстан дербес ел болды.
Аспаныңда жарқырайды арай күн,
Бұлтыңа да қызығумен қараймын.
Болғаннан соң тәуелсіз ел ұланы,
Мен өзімді бақытты қыз санаймын.

Мен өз елімді сүйемін! .