Меню
Назад » » »
В және Ф дыбыстары мен әріптері
загрузка...

загрузка...
Тақырыбы: В және Ф дыбыстары мен әріптері
Мақсаты:
а) В, Ф дыбыстары мен әріптерінің таңбасымен таныстыру. Оқушыларға В, Ф әріптерінің жазылуы мен оқылуын меңгерту.
ә) Сауатты жазуға, дыбыс пен әріпті ажырата білуге үйрету.
б) Балалардың сөйлеу тілін жетілдіру, сөздігін байыту, жалпы ой-өрісін дамыту.
Түрі: Аралас ұйымдастырылған іс-әрекет.
Әдіс-тәсілдері: түсіндіру, сұрақ-жауап.
Көрнекілігі: Кеспе әріптер, суреттер.
Барысы:
1. Ұйымдастыру кезеңі.
а) Балаларды түгелдеу.
ә) Оқу-құралдарын түгендеу.
б) Зейіндерін ұйымдастырылған іс-әрекетке аудару.
2. Өткен ұйымдастырылған іс-әрекетті пысықтау.
Тәрбиеші: Балалар, біз өткен ұйымдастырылған іс-әрекетте қандай дыбыспен және әріппен таныстық?
Балалар: Х, Һ дыбысымен және әрпімен таныстық.
Тәрбиеші: Қане, Х, Һ дыбысын қарастырып, сөздер ойлап табайық.
Балалар: хат, Хамит, айдаһар, қаһар.
3. Жаңа ұйымдастырылған іс-әрекетті түсіндіру.
Тәрбиеші: Қане, балалар, мен сендерге жұмбақ жасырамын. Соны шешіп көрелік.
Тәрбиеші: Ақ қар еріп, су көбейіп,
Сай-салаға қашады.
Ағаш басы бүршік жарып,
Гүл бәйшешек ашады.
Балалар, айтыңдаршы,
Бұл қай кезде болады?
Балалар: Көктемде.
Тәрбиеші: Қазір жылдың қай мерзімі?
Балалар: Көктем.
Тәрбиеші: Көктем айларын атаңдаршы.
Балалар: Наурыз, сәуір, мамыр.
Тәрбиеші: Бүгінгі ұйымдастырылған іс-әрекетімізде В,Ф дыбысымен танысамыз. Алдымен дыбыс деген не? Соған тоқталып өтейік. Біз дыбысты естиміз, бірақ көрмейміз. Дыбыстар екіге бөлінеді: дауысты және дауыссыз. Бүгінгі өтетін дыбысымыз В ұяң дауыссыз дыбыс, Ф қатаң дауыссыз дыбыс. Балалар, осы өтіп жатқан дыбыстармен байланысты жұмбақ жасырамын, сендер шешіңдер.
Тәрбиеші: Бір атым бар,
Құлын болып тумаған,
Құнан болып өспеген.
Балалар: Велосипед.
Тәрбиеші: Бір құлағы сөйлесе,
Бір құлағы тыңдайды.
Білсең айтшы ендеше,
Жұрт не дейді мұндайды?
Балалар: Телефон.
Тәрбиеші: Қане, балалар, мына тақтада В,Ф дыбысының баспа және жазба түрі ілініп тұр. Ендеше біз, алдымен ауада жазып көрейік.
Тәрбиеші: Балалар, бүгінгі өтіп жатқан В,Ф әріптерінің бір-бірінен айтылуында да, жазылуында да айырмашылық бар.
Тәрбиеші: Ал, балалар, кім В,Ф дыбысы мен әрпіне байланысты екі-үш буыннан тұратын сөздер тауып айтады?
Балалар: Ва-гон,
Вок-зал,
Фон-тан,
Фут-бол,
Фо-то.
Тәрбиеші: Балалар, осы айтылған В,Ф дыбысына айтылған сөздерді суреттерге қарап атап өтейік.
Балалар: вагон, вокзал, фонтан, футбол, фото.
Тәрбиеші: Балалар, қазір біз «Жалғасын тап» ойынын ойнайық. В,Ф дыбыстарына байланысты сөздердің алғашқы буынын мен айтамын. Ал сендер жалғасын тауып, сөздерді толықтырасыңдар.
Тәрбиеші: Фут-
Балалар: бол.
Тәрбиеші: Вок-
Балалар: зал.
Тәрбиеші: Теле-
Балалар: фон.
Тәрбиеші: Ва-
Балалар: гон.
Тәрбиеші: Енді, осы сөздерді буынға бөліп айтайық.
Балалар: Фут-бол, теле-фон, вок-зал, ва-гон.
Тақтамен жұмыс.
В, в және Ф, ф дыбысын, әрпін жазып көрсету.
Дәптермен жұмыс.
Тәрбиеші: Қазір дәптерді ашып, үлгіге қарап үзік сызықтарды қосып, В, Ф әріптерінің жазба түрін жазамыз.
Тәрбиеші: Енді, осы дыбыстарға байланысты жұмбақтар шешіп көрейік.
Егіз алма ерігіп,
Шықпақ қазық басына.
Тұрып қалды бірігіп,
Сол қазықтың басына.
Балалар: В.
Тәрбиеші: Иілген ұршық,
Қарайық,
Ұқсайды оған қай әріп?
Балалар: Ф.
Тәрбиеші: Енді балалар, жаңағы сөздердің кейбіріне дыбыстық талдау жасайық.
1. Вагон – 5 дыбыс, 5 әріп, 2 буын, 2 дауысты дыбыс, 3 дауыссыз дыбыс.
2. Телефон – 7 дыбыс, 5 әріп, 3 буын, 3 дауысты дыбыс, 4 дауыссыз дыбыс.
Қорытынды.
Тәрбиеші: Ал, балалар, біз қандай әріптермен таныстық?
Балалар: В, Ф дыбыстары мен әріптері.
Тәрбиеші: В, Ф дыбыстары қандай дыбыстар қатарына жатады?
Балалар: Дауыссыз дыбыстар.
Ойын: «Орамал тастамақ».
Тәрбиеші: В, Ф дыбыстарына байланысты сөздер ойланып отырыңдар. Бұл ойында әдеттегідей орамал тастаған уақытта сөздер айтуға дайындалып тұрасыңдар. Кім көп сөз сөздер естеріне сақтағанын білетін боламыз.
Белсенділік танытқан балаларды мадақтау. Тәлімгер.орг Полный текст материала на тему В және Ф дыбыстары мен әріптері можно смотреть в скачиваемом файле. На этой странице приведен фрагмент материала

Авторы:

Бөлімі: Қосымша сабақ жоспары | Логин: Публикатор
Көрсетілім: 352 | Жүктеулер: 0 | Рейтинг: 0.0/0
Барлық пікірлер: 0
avatar