Меню
Назад » » »
Жеңгем – сырласым
загрузка...

загрузка...
Зеилбек Сейітхан Қалмаханбетұлы,
Жамбыл атындағы жалпы орта мектебінің қосымша білім беру педагогы
ОҚО, Мақтарал ауданы
Сабақтың мақсаты: Жеңгем – сырласым

1-жүргізуші: (Зеилбек Сейітхан) Қош келіпсіздер құрметті қонақтар!
2-жүргізуші: (Балықбаева Айгүл) Армысыздар аяулы аналар, ұстаздар, ару қыздар! Бүгінгі «Жеңгем сырласым» атты мерекелік сайысымызға қош келіпсіздер!
1-жүргізуші: Сіздерді көктемнің алғашқы мерекесі 8-наурыз төл мерекелеріңізбен құттықтаймыз. Әрдайым әдемі, жылы жүректі аналық абыройлы атақтарыңыз биіктей берсін. Зор денсаулық, мәңгі жастық пен сұлулық тілеймін!
2-жүргізуші: Уақытты байқамаппыз зырғып өткен,
Қыс бітіп, келіп қапты нұрлы көктем.
Ақпанның аязынан шаршадым ба?
Аңсадым шуағы мол күнді көптен.
Алғашқы күні менен баршаңызды,
Құттықтап қояйыншы шын жүректен!
1-жүргізуші: Құтты болсын аналардың мейрамы!
Жарқыраңдар, жаз күніндей жайдары!
Мерекесі бұл көктемнің алғашқы,
Бақыт берсін әр көктемнің айлары!
2-жүргізуші: Ал, олай болса Сейітхан қонақтарды көп күттірмей мерекелік кешімізді бастайық.
1-жүргізуші: Дұрыс айтасың Айгүл, олай болса мерекелік кешімізді ашып беруге мектебіміздің директоры Сейдалиев Маратбек ағайымызды ортаға шақырайық.

2-жүргізуші: Бүгінгі сайысымыздың мақсаты: Халқымыздың бойына ғасырлап сіңген ұлттық мінез, ұлттық тәрбие жақсы дәстүрімізді жаңғыртып, ұлағатты қасиеттерді сіңіріп, үлгі-өнеге алуға, шыншылдыққа баулып, ар тазалығын жоғары ұстайтын қылықты қыз тәрбиелеу және жеңге мен қайынсіңлі арасындағы қатынасты нығайту.
1-жүргізуші: Бүгінгі «Жеңгем-сырласым» атты сайысқа 5 аруымыз жеңгелерімен қатысады. Ал, олай болса Айгүл аруларымызды жеңгелерімен бірге ортаға шақырайық.
1-жүргізуші: 1-жұп: Қайынсіңлісі – Төребек Айдана (9-сынып оқушысы) жеңгесі – Тұрсынқұлова Айгүл химия-биология пәні мұғалімі.
2-жүргізуші: 2-жұп: Қайынсіңлісі – Кемал Ақбота (11-сынып оқушысы) жеңгесі – Жұбаева Ұлбосын математика пәні мұғалімі.
1-жүргізуші: 3-жұп: Қайынсіңлісі – Орынтай Ақнұр (10-сынып оқушысы) жеңгесі – Исаева Гүлайна бастауыш сынып мұғалімі.
2-жүргізуші: 4-жұп: Қайынсіңлісі – Бектай Мақпал (11-сынып оқушысы) жеңгесі – Паташова Мадина мектеп лобаранты.
1-жүргізуші: 5-жұп: Қайынсіңлісі – Абылова Айнұр (11-сынып оқушысы) жеңгесі – Белисова Жәмила бастауыш сынып мұғалімі.
2-жүргізуші: Ия. Жиын тойларда қыз баланы әр уақытта сыйлы орынға отырғызған, жеңгелері де қайынсіңлілерінің атын атамай «Еркежан», «Бикеш», «Сұлуқыз» деп еркелеткен.
1-жүргізуші: «Қыз өссе елдің көркі, гүл өссе жердің көркі» деп қызғалдақтай құлпырған қыздарымыз бен олардың жеңгелері сіздермен бірге реттік санымызды белгілеп алсақ.
2-жүргізуші: Олай болса бұл аруларымыз бен жеңгелерін бағалайтын әділ қазылармен таныстырайық.
1-жүргізуші: Дошманов Дінмұханбет - ДТІЖО
2-жүргізуші: Демеуова Алмаш - Математика пәнінің мұғалімі
1-жүргізуші: Жамединова Тамара - Бастауыш сынып пәні мұғалімі
2-жүргізуші: Нұрпейісова Бағила - Математика пәнінің мұғалімі 1-жүргізуші: Дүйсенов Мамыр - Мектеп психологы
2-жүргізуші: Таймырзаева Ақтолқын - Технология пәні мұғалімі

2-жүргізуші: Біздің сайысымыз 6 бөлімнен тұрады.
1. Кел танысайық. (сәлемдесу, таныстыру)
1-жүргізуші: 2.Білгенім бір тоғыз... (салт-дәстүрге байланысты сұрақтар
қойылады)
2-жүргізуші: 3.Сегіз қырлы, бір сырлы (өз өнерін көрсету)
1-жүргізуші: 4. Ас мәзірі (салат жасау)
2-жүргізуші: 5.Ситуациялық жағдаяттан шығу (көрініс)
1-жүргізуші: 6.Қол өнер.
2-жүргізуші: Мен қазақ қыздарына қайран қалам,
Жанары жаны жаздай жайраңдаған.
Қыз өссе елдің көркі деген сөзді,
Қапысыз қалай айтқан қайран бабам.
1-жүргізуші: Өнер қуып арулар өтер дейміз,
Бір басына өнері жетер дейміз.
Жеңгесі мен аруларды сайыстырып,
Таныстырып өздерін өтер дейміз.
2-жүргізуші:Ендеше бірінші шартымыз бойынша аруларымыз жеңгелерімен бірге ортаға шығып өздерін таныстырады.

Ән: Орынбаев Асылбектің ағаймыздың орындауында «Аналарға ақ тілек» әні
Әділ қазылар алқасы осы жерде бірден бағасын беріп өтіңіздер. (Әр сайыс бойынша жауапты әділ қазы бағасын беріп өтеді)
1-жүргізуші: Қазақтың түрлі-түрлі дәстүрі бар
Оның сырын ашқанға жұрт қызығар
Жауаптарын таба ма екен сайыскерлер
Сол себептен қоятын сұрақтар бар – деп сайыскерлер «Білгенім бір тоғыз...» бөлімі бойынша салт-дәстүрге байланысты сұрақтар қоюдан бастаймыз.

Ән: Балықбаева Айгүлдің орындауында «Ана» әні
Әділ қазылар алқасы осы жерде бірден бағасын беріп өтіңіздер.
2-жүргізуші: Ал кімнің өнері бар қаншалықты
Би-билеп, ал біреуі ән салыпты
Бүгінгі сайыста бәйге алуға
Арулар жеңгесімен аянбай-ақ жан салыпты.
1-жүргізуші: Ендеше Айгүл үшінші шартымыз бойынша аруларымыз жеңгелерімен бірге өз өнерлерін көрсетеді.

Ән: Бисен Нұрсұлтанның орындауында «Бол жанымда» әні
Әділ қазылар алқасы осы жерде бірден бағасын беріп өтіңіздер.
2-жүргізуші: Ас мәзірім өнер тамып қолымнан,
Жаңылмаған ата-баба жолымнан.
Балдай тәтті, дәмді етіп жасасын,
Біз айтайық төрелігін соңынан.
1-жүргізуші: Төртінші шартымыз бойынша аруларымыз жеңгелерімен біргелесіп отырып ас мәзірін дайындайды.

2-жүргізуші: Аяулысың ауылымның асылдары,
Жайнасын көңілімнің жасыл бағы.
Сіздер үшін ән мен күй, өлең мен би,
Сіздер үшін мереке шашулары.
Ән: Есентай Ақеркенің орындауында «Ана-әке» әні
Әділ қазылар алқасы осы жерде бірден бағасын беріп өтіңіздер.
2-жүргізуші: Ситуациялық жағдаяттан шығу (көрініс) Десек те уақытпенен жарыспайды,
Қиялға- қиял менен қарыштайды.
Арулар шын жүректен тебіреніп,
Өнерін сіздерге бағыштайды.
Әділ қазылар алқасы осы жерде бірден бағасын беріп өтіңіздер.
1-жүргізуші: Қол өнер.(жеңге мен қайынсіңлі бірлесіп, көпшілік алдында жасайды)

Әділ қазылар алқасы осы жерде бірден бағасын беріп өтіңіздер.
Бұл сайыс басқа сайыстардан ерекшеленіп тұратын жақтарымен танылып тұрды. Әр бөлім 5-түрлі критерилермен бағаланып отырды. Дегенмен де сайыста жеңу бар, жеңілу бар демекші сайыс та өз мәресіне жетті. Барлық жұптардың бағалау тәсілдері ескеріліп бас жүлдені 5-жұп: ару Абылова Айнұр мен жеңгесі – Белисова Жәмила иеленді. Қалған 4-жұп ару қыздарымыз бен жеңгелерінің жинаған бағаларына қарап, түрлі номинациялармен марапатталды. Ару қыздарымыз бен жеңгелеріне мектеп директоры М.Сейдалиев жанынан ұйымдастырылған арнайы дипломдар мен бағалы сыйлықтар тапсырылды. «Жеңгем-сырласым» атты сайысқа мектеп ұжымымен қатар ауыл тұрғындары да қатысып, сайыстың жоғары деңгейде ұйымдастырылғанын айтып, өз бағаларын беріп жатты.
2-жүргізуші: Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше
Осыменен «Жеңгем сырласым» атты сайысымыз аяқталды. Тәлімгер.орг Полный текст материала на тему Жеңгем – сырласым можно смотреть в скачиваемом файле. На этой странице приведен фрагмент материала

Авторы:

Бөлімі: Қосымша сабақ жоспары | Логин: гость
Көрсетілім: 332 | Жүктеулер: 0 | Рейтинг: 0.0/0
Барлық пікірлер: 0
avatar