Меню
Назад » »

Жаныма жарық еттім бақ мекенді

загрузка...
Жаныма жарық еттім бақ мекенді
Жаныма жарық еттім бақ мекенді,
Тартымды таза ауасы саябақтың.
Кеудеме әсем әлем күй әкелді,
Тартады сұлулығы ұлағаттың...

Табиғат - тәлімгер де ұлы ұстаз!
Өмірге бағыт берер сабағымен.
Адамның өмірі де көктем, қыс, жаз,
Күзімен жеміс берер дарағымен.

Шыршалар шырай берер көңілге шат,
Ақ қайың ару болып майысады.
Сол жақта қатыкездік өмірге жат,
Әлемге қабырғаң да қайысады...

Сұлулық та керекті іздесердей,
Табиғат жан сырыңды ұғардай дөп.
Құлшынып қуанасың кездесердей,
Сүйіктің дәл алдыңнан шығардай боп.

Көл беті көріктеніп саған ұқсар,
Табиғат таңқалтқаны жайып құшақ.
Жаныма жақын неткен осы тұстар,
Сол кезім неткен бақыт, байыпты шақ...
08.10.2013жыл.
загрузка...
Никто не решился оставить свой комментарий.
Будь-те первым, поделитесь мнением с остальными.
avatar