. Батыс Қазақстан облысы
Қаратөбе ауданы
Қаратөбе мектеп-гимназиясы
Есқожина Самал
Қазақ тілі мен
әдебиеті пәнінің мұғалімі

7-сынып. Тест жұмысы

1.С.Мұқановтың «Есіл бойында» әңгімесіндегі әншінің есімі кім?
А)Мұратбек Ә)Мырзатай Б)Шүрек

2.Кімнің өлеңінен?
Темір торлы тас үйде
Көкірегім толды шерменен
Қанатты тағы тұлпарым
Арқырап келші кермеден
А)С.Сейфуллин Ә)Ж.Жабаев Б)А.Байтұрсынов

3.Абайдың қай қара сөзі?
«Алтын көрсе, періште жолдан таяды» дейді. Періштеден садаға кеткір-ай! Періште алтынды не қылсын, өзінің көрсеқызар сұмдығын қостағалы айтқаны.
А)Он тоғызыншы Ә)Жиырма тоғызыншы Б)Отыз бірінші

4.Көксеректі алатын арлан?
А)Ақ қасқа Ә)Қара ала төбет Б)Ақ қасқыр

5.«Ботагөз», «Сырдария», «Аққан жұлдыз» романдарынынң авторы?
А)М.Әуезов Ә)Ғ.Мүсірепов Б)С.Мұқанов

6.Кесені қолыма алып қарай бердім
«Ішінде нақақ көзден жас бар ма?» деп, -деген өлең жолдарындағы көркем әдісті табыңыз?
А)Ирония Ә)Кейіптеу Б)Қайталау

7.Қозы Көрпештің әкесі?
А) Қарабай Ә)Сарыбай Б)Қодар

8.Қай шығармадан, кімнің сөзі?
-Шариғатта айтады екен, «ең ауыр ақы - көрші ақысы» деп. Маған биыл көрші қондың ғой сен. Бәрібір «иттің ұлы итақайға» үлестіріп жатқан дүние. Сен оны намыс көрме, мен оны борыш көрмейін, биыл қыс мылтықтың қарауылына, бүркіттің тұяғына ілінген олжаға екеуміз ортақ болайық.
А) М.Әуезов «Көксерек» әңгімесіндегі Қасеннің сөзі
Ә)С.Мұқановтың «Саятшы Ораз» әңгімесіндегі Ораздың сөзі
Б) Ғ.Мүсіреповтың «Ақлима» әңгімесіндегі Нұриланың сөзі

9.Эпифораны тап?
А)Атаңнан бата ал, балам,
Арғымақ атқа мін, балам.
Ә)Ал, Қуаныш, Қуаныш
Сені етейін жұбаныш
Б)Сарыарқаны сандалсам
Саңлағымды табам ба?

10.Досына арнап өлең жазған ақын?
А)М.Жұмабаев Ә)С.Сейфуллин Б)А.Байтұрсынов

11.Лиро-эпостық жырды көрсет?
А) «Қобыланды батыр», «Алпамыс батыр» жыры
Ә) «Күлтегін» жыры
Б) «Қозы Көрпеш –Баян сұлу», «Қыз Жібек»

12.Махамбеттің Исатайға арнаған өлеңі қайсысы?
А)Ереуіл атқа ер салмай Ә)Тарланым Б) «Ұлы арман»

13. Қазақ халқын «маса болып ызыңдап оятпақшы» болған ақын?
А)А.Байтұрсынұлы Ә)А.Құнанбаев Б)І.Жансүгіров

14.«Қансонар» сөзінің мағынасы?
А)Маң далада аң аулау Ә)Ақ қар Б)Жаңа жауған қардың үстіндегі аңның ізі

15.Семейдегі Абай оқыған медресе?
А)Араб медресесі Ә) «Ахмет Риза» медресесі
Б)Қалалық медресе

16.Көркемдік тәсілді тап?
Таудан мұнартып ұшқан, тарланым.
Арыстаным, көп болды- ау.

17.М.Өтемісұлы қай жылы дүниеге келді?
А)1804 Ә)1825 Б)1845

18.-Балталы, Бағаналы ел, аман бол!
Бақалы, балдырғанды көл, аман бол!
Кірім жуып, кіндігім кескен жерім,
Ойнап –күліп, ер жеткен жер, аман бол!-деген өлең түрі қазақтың қай салт-дәстүрінің түріне жатады?
А)Жоқтау Ә)Қоштасу Б)Естірту

19.Сырты алтын, іші күміс оның үйі
Күнде дәурен неғылса келер күйі,-көркемдегіш әдіс-тәсілдің қай түрі қолданылып тұр?
А)Эпитет Ә)Теңеу Б)Гипербола

20.Тайлақ би, Танаш, Ханша, Тазша бала кейіпкерлері қай шығармадан?
А) «Қобыланды батыр» Ә) «Алпамыс батыр» Б) «Қозы Көрпеш –Баян сұлу» жыры

21.Кімнің портреті? Бірінші тармақтағы көркемдегіш тәсілді өзің жаз!
Аппақ көрік маңдайлы, қылығы наз,
Малың түгіл басыңды берсең де аз.
Сыртынан күлімсіреп сөйлесе де,
Көңілі қош болмайды баймен араз.
А)Баян сұлу Ә)Ұлпа Б)Күнікей

22.Кімнің қай шығармасынан?
Ұшатын құстай қымтанып, қомданып алды. Отырғандар аузын ашып аңырды. Сүмірейте, қылмита соқты; желдете құтырта соқты. Лебізі құлаққа жағып кетті, жүректі тербетті, тамырды желпіндірді; бойды шымырлатты.
А) Ж.Аймауытов «Әнші» Ә) С.Мұқанов «Есіл бойында»
Б) Ж.Аймауытов «Күн менікі»

23.Өлеңнің бір шумағын жалғастыр! Кімнің өлеңі екенін жаз!
-Қараңғы қазақ көгіне
Өрмелеп шығып күн болам
...

24.Күреңтөбел кімнің тұлпары?
А)Қозының Ә)Қайсардың Б)Ақанның

25.Кімнің қай шығармасынан. Көркемдегіш тәсілді тап?
Бұлтын жиып көкірегіне
Күрсінді бір аспан ауыр;
Қос қанатын соғып жерге,
Азаланып жетті дауыл;
А)С.Сейфуллин «Қамаудан» Анафора
Ә)Д.Бабатайұлы «Аягөз, қайда барасың?!» Арнау
Б)Қ.Аманжолов «Ақын өлімі туралы аңыз» Кейіптеу

26.«Өзім туралы», «Құпия қыз», «Орал», «Жайық», «Қытай қызы» шығармаларының авторы?
А) Қ.Аманжолов Ә)Ж.Жабаев Б)І.Жансүгіров

27.Кімнің қай шығармасынан?
«Бір кезде жасыл торлқынға сүңгіп құмарың қанып, енді тыныстайын дегендей, қимылсыз жата қойсаң шалғынның түбінде ақ меруерттей жалтылдаған, көлемі бөденененің жұмыртқасындай бір домалақ заттарды көресің»
А) М.Әуезов «Көксерек» Ә) Ғ.Мүсірепов «Ананың анасы»
Б) С.Мұқанов «Есіл бойында»

28.Кімнің қай шығармасынан?
Арада бірнеше күн өтті. Осы сайдан шыққан жоқ. Ашығып бұралуға айналды.Бірақ аяғы ептеп басуға келеді. Бір-екі қырқадан асты. Бір сайда үш-төрт ат жайылып жүр екен.Шетте арықтау бір көкшолақ ат тұр еді. Тап беріп қуып отырып, қалың омбыға әкеліп қамады. Күнде кешті күтеді.
А) Т.Ахтанов «Окоп үстіндегі айқас»
Ә) М.Әуезов «Көксерек»
Б) С.Мұратбеков «Жусан иісі»

29.Кімнің портреті?
Шолақ жең, ақ жейде, тізеден жоғары қысқа шалбар киген, кекіл шашы бар, мұнтаздай таза бір бала тұр екен.
А)Құрмаш Ә)Тортай Б)Аян

30.Б.Майлиннің «Шұғаның белгісі» повесі қай шығармада кездеседі?
А)Б.Бұлқышев «Шығыс ұлына хат»
Ә)Ш.Мұртаза «Жүз жылдық жара»
Б)Қ.Ысқақов «Қоңыр күз еді»

Тест жауабы:1-ә, 2-а, 3-ә, 4-а, 5-б, 6-а, 7-ә, 8-ә, 9-а, 10-ә, 11-б, 12-ә, 13-а, 14-б, 15-ә, 16-метафора, 17-а, 18-ә, 19-а, 20-б, 21-а, эпитет, 22-а, 23- Қараңғылықтың кегіне
Күн болмағанда кім болам?
Мұздаған елдің жүрегін
Жылытуға мен кірермін!
24-ә, 25-б, 26-а, 27-б, 28-ә, 29-б, 30-б .