. №152 мектеп - гимназия

Ашық тәрбие сағаты
Тақырыбы:
Ақиық ақын-Мұқағали!

Сынып жетекші: Мұхамадиева Ботакөз
Ермеқбайқызы
4 «Г» сынып

Алматы - 2015

Тақырыбы: Ақиық ақын-Мұқағали!
Мақсаты : 1. Мұқағали өлеңдерінің құдіреттілігін таныту.
2.Поэзияға деген сүйіспеншіліктерін арттыру.
3.Ақиық ақын Мұқағали жырларынан сусындатып ,ақынға
деген құрметті қалыптастыру.
Көрнектілігі: ақын туралы естеліктер , кітаптар, ақын суреті, интербелсенді тақтада слайд.
Өтілу әдісі : шағын әдеби - монтаж , өлеңдер оқу, сахналық көрініс.
Сабақтың түрі: тәрбие сағаты.
1.Сыныпты ұйымдастыру.
1.Мұғалімнің кіріспе сөзі:
Құрметті оқушылар ! Біз бүгін сіздермен Ақиық ақын
Мұқағали Мақатаевтің туғанына 84 жыл толуына байланысты
«М. Мақатаев – біздің мақтанышымыз!» атты ашық тәрбие
сағатында отырмыз.
Қарасаз , Қара шалғын өлеңде өстім.
Жақсы жыр жазсам , халқым елеңдестің.
Өлсе өлер Мұқағали Мақатаев
Өлтіре алмас алайда өлеңді ешкім!
Қазақ поэзия әлеміне шетсіз - шексіз кеңістік пен көз сүрінген
биіктік әкелген ақын . Кәусәр сезім мен тояттамас көңіл ,
шалқыған шаттық пен мұңға тұнған махаббат , буырқанған
шабыт пен сабырға көнбес сағыныш сыйлаған ақын. Ұлы
ақын М . Мақатаевтың туғанына биыл 84 жыл толып отыр.
Ендеше бүгін тәрбие сағатымыз атынан танылып тұрғандай,

Хан тәңірінің мұзбалағы атанып , өлең өлкесінде шамасына
Шаң жұқтырмаған дарын иесі, ақын М . Мақатаевқа арналмақшы.
Сөз кезегінде ақынның өмірбаянына қысқаша шолу жасай кетейік
(слайд көрсетіледі)
Сәнді:
М. Мақатаев Алматы облысының Нарынқол ауданында Қарасаз
деген ауылда 1931 жылы дүниеге келген. Анасы Нағиман Батанқызы
және әкесі Сүлеймен Мұқағали , Тоқтарбай , Көрпеш есімді үш ұл
тәрбиелеп өсірген шаруа адамдары . Мұқағалидің 10 жасында
әкесі майданға аттанады . Он жасар болашақ ақын майданға кеткен
әкесін аңсап арнаған өлеңін Аружан оқиды:
Ол жерде Сырымбеттей тау бар ма екен ,
Жайдақтың шөбі шүйгін қаулар ма екен
Мінеки көп ай болды хабары жоқ
Әкем кеп көңілімізді аулар ма екен
Әкеміз бір әкеден жалғыз еді ,
Судағы жаңа біткен жалбыз еді
Мінеки , көп ай болды хабар жоқ
Біз дағы әкемізге зармыз енді.
Қуаныш:
Әже баласы болған соң анасы Нақа деп атаған . Анасы мен әжесінің тәрбиесінде өсті. 1948 жылы орта мектептегі интернатта оқып бітіреді .
Оқушылар кезекпен Ана туралы өлеңдер оқиды.
Руслан:
1976 жылы 27 наурызда өмірден өтті. Топырақ бұйырған жері Алматы .

Еңбек еткен жылдары : 1948 жылы Алматыда шет тілдер
Институтында оқып жүріп отбасының тұрмысы ауыр болғандықтан,
Оқуды еріксіз тастап , ауылға оралады . М . Мақатаев Киров
Атындағы колхозда кеңес хатшысы болып жұмыс істейді .
Оқушылар кезекпен омір туралы олең оқиды.
Бақытжан:
Ол өте көп керемет өлеңдер жазған. Жастардың елді
Табиғатты сүюге үйретеді . Оның өлең - жырлары : «Отан»
«поэзия» «жас қайың» «аққулар ұйықтағанда» көптеген шығармалары бар
Мұкағали - халқын , ана тілін , Отанын қадыр тұтқан азамат
Ақын. Ол «Үш бақытым» атты өлеңінде кеиінгі жас буынды
Халқын, тілін, туған жерін шексіз сүюге шақырады.

Оқушылар кезекпен Отан , табиғат, тіл туралы өлеңдерін оқиды.
Оқушылар хормен Мұқағалидың әнін орындады.
Ақбота:
Мұқағалидің да аяғын көп шалдырғаны рас. « Артына өлмейтұғын сөз қалдырғаны да ақиқат» . Қазір ол ең көп оқылатын ақын . Мұқағали мұрасы мәңгілік . Нағыз халық жазушысы осындай ақ болар.
Абай сөзімен айтқанда:
Көп адам дүниеге бой алдырған
Бой алдырып, аяғын көп шалдырған.
Өлді деуге сыя ма, ойлаңдаршы,
Өлмейтұғын артына сөз қалдырған.

Мұғалім:
«Таудан алыстаған сайын оның биіктігі айқындала түседі» демекші , күн де өткен сайын Мұқағали ағамыздың ұлы тұлғасы шыңдала түспек !
Мұқағали поэзиясы шырқалып
Қыран құстай шарықтасын аспанда.
Өлеңі оның еш өлмесін, ұрпағы
Тойласын тойын
Шығарып атын аспанға!

«Батырды – батыр жеңер белдескенде»,
Шешенді шешен жеңер дау шешкенде.
Осымен тәмамдалды кешіміз бұл
Бақытты күндерде кездескенше.

Ұрпағы бар кезде ақын тойы жыл сайын тойланбақ! .