. ММ «№19 жалпы орта білім беретін мектеп»


Ашық сабақ

Тақырыбы:



Пәні: өзін-өзі тану.

Сыныбы: 3 «Д»

Өткізген:Ерденбекова Ж.Г.

2010-2011 оқу жылы

Сабақтың тақырыбы:

Дос болайық, бәріміз!

Сабақтың мақсаты:балалардың достық туралы түсініктерін кеңейту.Оқушылардың арасында достық қарым-қатынастың қалып-
тасуына ықпал ету.Олардың бойларында сүйіспеншілік,сыйластық
сезімдерін ояту.

Сабақтың көрнекілігі:шар,жүректер,күннің көзі,жіп,интер-
А активті тақта.

Сабақтың барысы:
I. «Шаттық шеңбері.» Қол ұстасып,дөңгелене тұру:

Әкел,досым,қолыңды,
Татуласқан орынды.
Өкпелесіп не керек,
Көрсет,кәне,соныңды.
Баққа бірге кірейік,
Қол ұстасып жүрейік.
Татулықтың белгісі-
Кел,қосылып күлейік:
-Ха-ха-ха!

II. «Тыныштық сәті»
- Аспаннан күндіз нені көреміз? -Күнді көреміз.
- Күн не істейді? -Жарық береді,жылу береді.
- Ендеше,көздеріңді жұмып,жайланып отырыңдар...(тыныштық
сәтінің мәтіні үнтаспада оқылады.) Мәтін аяқталғанда үнтаспадан
жүректің қағысы естіледі,интерактивті тақтада жүректің қағып тұр-
ған суреті шығады.Достар бір-бірінің жүрек қағысын тыңдайды.
- Сендер не сездіңдер?
- Мәтін кімдер туралы?
- Ендеше біз бүгін достық туралы әңгімелесеміз.Бәрі хормен

Дос болайық,бәріміз!

Тренинг «Досты қуанту»
Оқушылар дөңгелене отырады.Қасындағы досын қуанту үшін оның
атын әндетіп айтып,қолындағы жүрек шарды досына береді.
- Не сезіндің?
- Сен қуандың ба?

III. «Ойланайық,пікірлесейік.»
- Дос дегенді қалай түсінесіңдер?
- «Достық» деген не?
- Досыңның көмегін қай кезде сездіңдер?
- Досыңды ренжітсең,қалай татуласар едің?

IV. «Оқып,үйренейік.»
«Достың арманы»
(үлгі әңгіме)
Сұлтан 18-ге толғанда ағасы оған жаңа көлік сыйлады .Ол алған сыйлығын көрсету үшін
достарына барды.
-Көлігім қалай?-деді ол мақтанышпен.
-Керемет!-деді досы .-Өте тамаша!
Сұлтан бұл көлікті оған өзіне ағасы сыйлағанын айтты.Бұны естіген досы таңқалды.
-Ағаң сыйлады ма? Шіркін, мен де...-деген кезде досының не айтқысы келіп тұрғанын Сұлтан
білемін деп ойлады. «Менің де сондай ағам болса ғой»деп айтқысы келіп тұр деп ойлады.

-Сендер қалай ойлайсыңдар?Досының не айтқысы келді?

Досы: «мен де сондай аға бола алсам ғой» деді.Сұлтанды досының бұл сөзі қатты толғандыр-
ды.Ол көлігіне отырып ,қыдырып келуді ұсынды.Досы көлікке қызығып,көңілді келе жатты.
Ол өзінің үйіне соғуды ұсынды.Сұлтан досы өзінің қандай көлікпен жүргенін көршілеріне
көрсетіп,мақтанғысы келіп тұр деп ойлады.

-Сендер қалай ойлайсыңдар?Досы неге үйіне алып келді?

Олар досының үйіне келді.Ол үйге жүгіріп кетіп,біраздан соң кемтар балаға арналған арбаға
отырғызған кішкентай бауырын алып шықты.Ол бауырына көлікті көрсетіп «Кейін мен де
саған дәл осындай көлік әперемін» деді.Досының сөзін естігенде Сұлтанның көңлі босап кетті.
Ол досының бауырын да көлігіне отырғызып,үшеуі бірге қыдырды.Досы мен бауырының қуа-
нышты көңіл-күйіне қарап,Сұлтан өзінің оларға аз да болса қуаныш сыйлай алғанына қуанды.

-Сұлтан қандай бала екен?
-Сұлтанның орнында болсаң сен не істер едің?
-Досқа байланысты қандай мақал білесіңдер?

Дәйексөз

«Досыңның көзінде болғанша,көңлінде бол.»

Ән «Бала тілегі» Бәрі бірге.

Тренинг «Досымның жүрегі»
Кеудеге тағылған жүрекке бір-бірінің жақсы қасиеттерін жазу.Бәрі жазып болған соң оқу.

Тренинг «Жұппен секіру»
Арқаларын бір-біріне тигізіп ,бірдей секіру.Одан кейін арқаларын бір-біріне тигізіп,қолдарын
айқастырып секіру.
-Қалай секірген жеңіл болды?
-Қандай қорытынды шығарамыз?

«Достық» ережесін құру.Күннің сәулелерін ереже айтып құрастыру.

Ән «Әрқашан күн сөнбесін» Бәрі бірге.

V. «Жүректен жүрекке» Бір-біріне жіп лақтырып тілек айту арқылы
«Достық торын» құру.Тордың астына кіріп не сезгендерін айту.

«Достық» әнімен сабақты аяқтау. .