. Атырау қаласы,Жаңаталап селосы,
Жамбыл орта мектебінің
Бастауыш сынып мұғалімі
Мырғамбаева Малика Асқарқызы
Пәні: Сауат ашу
Сабақтың тақырыбы: Ә ә дыбысы мен әрпі.
Мақсаты: Оқушыларға ә дыбысының жазылуын айтылуын, дауысты екенін, сөз ішіндегі орнын таныстыру.
а ) білімділігі: жаңа ә дыбысын өткен дыбыстармен байланыстыра оқуды, жазуды қалыптастыру.
ә ) тәрбиелігі: сауатты, ұқыпты, көркем жазуға дағдыландыру. Шығармашылық тапсырмалар арқылы тілін сөйлем ойлауға тәрбиелеу.
б ) дамытушылығы: оқушыларды есте сақтау, ойлау қабілетін, мазмұнды суреттер бойынша сөйлеу тілін, сөздік қорын дамыту.
Сабақ түрі: Жаңа сабақ
Әдісі: Түсіндіру, сұрақ – жауап
Көрнекілігі: Суреттер, әріп элементі, текше мат. талдау
Пән аралық байланыс: математика, ана тілі.
Сабақтың барысы:
І. Ұйымдастыру кезеңі
1. Оқушылармен амандасу
2. Құралдарын түгендеп, сабаққа назарын аудару
Бүгін біздің сабағымызға қонақтар келіпті. Демек бұл сабағымыз жай сабақ емес, ерекше сабақ болып өткелі тұр.
Келгенше қонақ ұялады,
Келген соң үй іші ұялады, - демекші ұятқа қалмауға тырысайық.
ІІ. Үй тапсырмасын тексеру.
- оқушылар өткен сабақта қандай дыбыспен танысып едік
- тақпақ сұрау
- і дыбысы қандай дыбыс?
- Сөздің қай жерінде кездеседі?
- І дыбысы бар сөздер айтыңдар?
Ірімшік, ілгіш, іш, ін, тіс, тіл.
Осы сөздерді қатыстырып сөйлем ойлау.
Балалар біз өткен дыбыстарға шолу жасау.
Үйге қонаққа бару.



ІІІ. Жаңа сабақ.
Оқушылар біздің сабағымызға қонақ келіп тұр екен. Ол қонақты ортаға шақырайық.
- Әже
Әже бізге өз ән шашуымен келген екен, тындайық.
- Оқушылар бізге кім келді?
- Әже не айтты?
- Әже сөзінің басында қандай әріп келіп тұр?
- Ә – Ә, - Ә – Ә (бәрі айту)
- Олай болса бүгінгі өтетін әріпіміз. Ә.
- Ә дыбысы қалай айтылып тұр.
Еш кедергісіз жіңішке, созылып айтылып тұр. Олай болса ә дыбысы дауысты дыбыс сөздің басында, ортасында, аяғында кездеседі.

Мынау әріп элементінің таспа, баспа түрі.

- Әріп дегеніміз не? Әріпті көреміз, жазамыз.
- Дыбыс дегеніміз не? Айтамыз, естиміз.


Текшемен жұмыс жасау, сөйлем құрау.
ІV. Оқулықпен жұмыс.

Буындарды оқу, жуан, жіңішке екенін айту.
V. Суретпен жұмыс
- суретте не көріп тұрмыз?
- балалар не істеп тұр?
- (өлең) ән айтып тұрған балалардың үстінде ұлттық киім бар
- олардың қасында кімдер бар?
- олар не істеп отыр. Олар көрермен
- балалардың айтқан өлеңін тыңдап отыр. Олар тамаша ән салады екен.
Әнші
Әлім, Әмір – әнші. Әлім, Әмір ән салады. Олардың әні тамаша. Сәлім, Сәруар әнін тыңдады. Достар да ән салды. Олардың даусы да тамаша.
VІ. Сергіту сәті
VІІ. Дәптермен жұмыс
1. Ауада жазу
2. Бастыра жазу
3. Сөз ішіндегі орнын анықтау
VІІІ. Тақтамен жұмыс
- Ә әрпін жаздыру
- Ән, әнші, дән
- Достар да ән салды
- Сәлім кестемен жұмыс
ІХ. Ой толғаныс
Жоғалған дыбысты «тап» ойыны
Д...рі, ..нші, м..сі, д...н, С...лім
..демі, ..н, ш..лі, с..н, д..н
Х. Сурет бойынша математикалық талдау


Х. Тапқышбектің тапсырмасы

ХІ. Сөз ойла, тез ойла.


ХІІ. Шығармашылық тапсырма
Әдепті бала әдетті
Әдепсіз солар әлекті
Қорытынды:
- Қандай әріппен таныстық?
- Қандай дыбыс?
- Сөздің қай жерінде кездеседі?
Үйге: Ә дыбысы. Мәтінді оқу.
Бағалау. Мадақтау. .