. Тақырыбы: Ән-күй (музыка ) сабағы

Мақсаты: а)Тақырып бойынша берілген жаңа сөздер мен сөз тіркестерін меңгерту.
Сөйлем құрауға, ән айтуға үйрету.
ә) Оқушылардың тілін, ойлау қабілетін, сөздік қорын дамыту.
б) Оқушылардың ән-күй сабағына, ән айту өнеріне деген қызығушылығын
тәрбиелеу.
Сабақтың түрі : жаңа сабақ
Сабақтың әдісі: сұрақ-жауап, түсіндірмелі,әңгімелеу.
Сабақтың көрнекілігі: компьютер, домбыра, ұлттық аспаптардың түрлері ,
үнтаспа, слайдтар, М.Мақатаевтың және Н.Тілендиевтің
портреттері.

Сабақтың барысы :
І. Ұйымдастыру
1. Оқушылардың қарым-қатынасқа психологиялық дайындау
2. Сәлемдесу ,оқушылардың сабаққа дайындығын тексеру
3. Тіл дамыту минутын өткізу
ІІ. Үй тапсырмасын тексеру.
1. Үйге берілген тапсырманы анықтау.
2. Сұрақ-жауап әдісімен «Пәндер » мәтінінің мазмұнын әңгімелеу
- Нұрлан мен Гүлнәр нешінші сыныпта оқиды?
- Олар математика сабағында не істейді?
- Бейнелеу өнері сабағында не істейді?
- Музыка сабағында не істейді?
- Қазақ тілі сабағында не істейді?
3. Ойын түрінде жаңа сөздер мен сөз тіркестерін меңгергенін тексеру

ІІІ. Жаңа сабақ

1.Тақырыпты хабарлап айтып, мақсатымен таныстыру ,тақтаға жазу
- Қызығушылығын ояту.
- Балалар музыканың қандай түрлерін білеміз?
- көңілді , марш, мұңлы
- Осы музыканы бізге не жеткізеді ?
- Музыкалық аспаптар.
- Қандай музыкалық аспаптарды білесіңдер?(музыкалық аспаптарды көрсету.)
-Осы музыкалық аспаптардың ең танымалы қай аспап?
- Домбыра
Олай болса,балалар бүгін маған сабақ жүргізуге қасиетті домбыра көмектеседі.Бұл домбыра жай домбыра емес,сиқырлы домбыра. Бұл домбыра дұрыс жауап естісе өзінен -өзі музыка тартады.
2.Оқулықпен жұмыс :
- Сөздік жұмысын жүргізу (жаңа сөздермен таныстыру, сөздік дәптеріне жаздыру)
3. Дәптермен жұмыс
- Жаңа сөздермен сөйлем құрау,оны жұмыс дәптеріне жаздыру
- 1-жаттығу сөздерді оқу, аудару ,қайталау
- 2 –жаттығу мәтінді оқу , орыс тіліне аудару.
- 3-жаттығу Суретпен жұмыс ұйымдастыру ,сөйлем құрау,әңгімелеу
4. - Ал енді бүгін біз сендермен ән үйренеміз .
Әннің аты «Құттықтаймын ,мама ,туған күніңмен!».
Сөзін жазған :М.Мақатаев, Әнін жазған : Н. Тілендиев
Өлеңді оқып ,аудару мазмұнын түсіндіру
Өлеңді әнімен орындау
5. Сабақты бекіту
- Бүгін қай тақырыппен таныстық ?
- Қандай жаңа сөздермен таныстыңдар?
- Қандай жаңа ән үйрендіңдер?
- Бүгін сабақ жүргізуге қандай аспап көмектесті?

6. Үйге тапсырма:
15 бет жаңа сөздерді ,17 бет 6-жаттығу өлеңді жаттау.

7. Оқушылардың жауабын бағалау.



АЛМАТЫ ҚАЛАСЫ
№ 118 МЕКТЕП-ГИМНАЗИЯ

АШЫҚ САБАҚ

ТАҚЫРЫБЫ: ӘН-КҮЙ (МУЗЫКА ) САБАҒЫ

2 «В» сыныбы

Өткізілетін күні :
26 қыркүйек , 1 сабақ
Өткізетін мұғалім:
Мендыбаева Н.А.

2013 жыл .