. Ана тілі 4-сынып
Сабақтың тақырыбы: «Нан туралы өлең»
Сабақтың мақсаты:
1. Білімділік Өлеңді түсініп,ырғағын келтіріп, мәнерлеп оқуға жаттықтыру. Балалардың өз ойларын еркімен айтуы, байланыстыра сөйлеуі, сұрақтарға толық жауап беруі.
2. Дамытушылық Оқушылардың сөздік қорын кеңейту, ойлау қабілеттерін тірек сөздер, сюжетті суреттер бойынша қысқаша әңгіме құрастыру, тақпақ, мақал-мәтелдер, жұмбақтар шешу арқылы тіл байлығын, шығармашылық ойлау сапасын дамыту.
3. Тәрбиелік
Нанды қастерлеп, қадірлеп, үнемдеуге үйрету. Еңбек адамдарын сыйлай білуге тәрбиелеу.
Сабақтың түрі: аралас сабақ.
Сабақтың әдісі: оқулықпен жұмыс, суретпен жұмыс,түсіндіру, баяндау, сұрақ-жауап.
Көрнекілігі: сюжетті суреттер,ұннан пісірілген тағамдар көрмесі, бидайдан жасалған гербарий.
Сабақтың барысы.
1.Ұйымдастыру
1.Оқушылардың зейінін сабаққа аудару
2.Өткенді қайталау
a) Фариза Оңғарсынованың «Қанат туралы хикая» өлеңін түсініп оқу.
б) «Құстарға қандай қамқорлық жасайсыңдар?» тақырыбына шағын әңгіме жазу
(Тапсырма бойынша 3 оқушының жұмыстарын тексеру)
3.Қосымша сұрақтар беру арқылы,үй тапсырмасын қорытындылау.
1. Фариза Оңғарсынова қай жылы жерде, қай жерде дүниеге келген?
Ол кім?
1. «Қанат туралы хикая» өлеңінде не жайында айтылған?
1-бөлім. Бір қанаты сынған балапан жайында.
2-бөлім. Біздің ата-анамыз жайында.
3.Жаңа сабақ.
- Балалар, жұмбақ шешейік. Оның шешуі сабағымыздың тақырыбы болады.
Үсті тас, асты тас,
Ортасында піскен ас. (Таба нан)
- Сонымен, бүгін біз Кәрім Сауғабаевтің«Нан туралы өлеңімен» танысамыз.
1.Тақтадағы тақырыптың атына оқушылардың назарын аударту.
2.Дәптерге тақырыпты жазу.

Кіріспе әңгіме

Кәрім Сауғабаевтің өмірбаянымен таныстыру.

4.Оқулықпен жұмыс
1.Сыныптағы үздік оқушыға өлеңді мәнерлеп оқыту.
2.Өлең жолдарын мұқият тыңдап, түсініксіз сөздерді еске сақтау.

Сөздік жұмыс:
Нәр- әл, күш, қуат.
Пірім- сыйыну.
Ұлылықпен- ілтипатпен, шын пейілмен.
Зәмзәм- тәтті, қасиетті су.

Оқулықпен жұмыс
1. Оқушыларға өлеңді іштерінен оқыту.
2. Өлеңді дауыстап, кезектесіп оқыту.
Проблемалық сұрақ-жауап
- Ақын нанды неге қадірлеп, қастерлеп, үнемдеп ұстаңдар, дейді?
Өйткені нанда қол жетпейтін аспан бар,
Ана бол, дана бол, бала бол,
Нанды баспаңдар!
- Нан – өмір, неге?
- Нан - басты азық. Халқымыздың байлығы. Нан болмаса өмір қызықсыз, бақытсыз болады. Нансыз тыныштық та болмайды, көкіректі мұң, жерді шаң торлайды. Екі ел бірін-бірі жаулайды.
- Дән – ән емес пе, дән – нәр емес пе, неге?
- Бір дән ексең, одан көптеген дән өседі. Дән болса, ұн да болады, ал ұн болса нан да болады. Нан бізге күш-қуат береді. Өміріміз көңілді, бақытты болады.
Сергіту сәті
Нан қиқымын шашпаңдар,
Жерде жатса, баспаңдар,
Теріп алып, қастерлеп,
Торғайларға тастаңдар.
5.Шығармашылық тапсырма
1. Тамақ сөзіне мәндес сөз.
2. «Ата» сөзін тәуелдеп, үш жақта айт.
3. Қасиетті тағам

«Ас атасы- нан» хормен оқиды
Топ бойынша жұмыс
(3 топқа бөліп, тапсырма беру)
1-топ
«Ас атасы- нан» тақырыбына шағын әңгіме жазу. (Екі оқушының әңгімесі тыңдалады, ал қалған оқушылардың дәптерлері тексеріледі)
2-3-топ
«Ас атасы- нан» тақырыбына берілген тірек сөздерді, сюжетті суреттерді пайдаланып, нан дастарқанға қалай келетіні жайлы ауызша әңгімелесу.
Тірек сөздер: егін, қырман, диірмен, еңбек, наубайхана, нанды қадірлеу.
Әңгімелеу
Шуақты көктем келісімен, егіншілер ерте тұрып, жер жырта бастайды. Дән сеуіп, жаздай күтеді. Күзде диқандар дала кемелерін астық теңізіне шығарады т. б.
Тракторлармен жер жыртып, тұқым себілуінен бастап, наубайханада пісіріліп, нан болып, дастарқанға келгенге дейінгіжұмыстарды оқушылар қысқа әрі нақты түрде айтып өтті.
Ойын «Ертегіні аяқта»
«Бауырсақ » ертегісі (тақтаға сюжетті суреттер ілінген)
Оқушылар суреттерді алып, мазмұнын кезекпен әңгімелейді.
Мақал-мәтелдер жарысы
1. Еңбек түбі- береке,
Көптің түбі- береке.
2.Арпа, бидай - ас екен,
Алтын,күміс- тас екен.
3.Егін ексең, егін ек,
Онан өнер өнім көп т.б.
6.Сабақты қорытындылау
- Нан туралы қандай ырымдар білесіңдер?
1.Нанды бір қолыңмен үзбе.
2.Нан ұсағын шашпа.
3.Жерде жатқан нанды баспа.
- Сонымен, балалар...(оқушылар пікірлерін тыңдау)
7.Бағалау. Үйге тапсырма.
1.Өлеңді оқып, мазмұнын білу.
2. Нан туралы тақпақ, жұмбақтар жаттап, мақал-мәтелдер жазып келу.
3.Өз қалауы бойынша, өлең тақырыбына сәйкес сурет салу.
Сабақты «Менің Қазақстаным» әнімен аяқтау. .