. «Материктер жарысы» атты сайыс сабақ
Сабақтың мақсаты:
- Дәстүрлі емес тәсілмен өткізілген қайталау сабақтары өткен тақырыптарды пысықтау;
- Оқушылардың өткен тақырып бойынша алған білімдерін жинақтай білуге есте сақтауға, тұжырымдай білуге, номенклатураны жатқа білуді дағдыландыру;
- Жер-Ана перзенттері сияқты материктерге тіл бітіріп, сөйлету арқылы табиғатты аялауға, сүйе білуге баулу.
Сабақтың көрнекіліктері: Дүниежүзінің физикалық картасы, әр топқа атлас карта, үлестірмелер, бүктемелер, қорап.
Сабақ барысы: Оқушыларға сабақтың шартын түсіндіру.
Сабақ жоспары.
1. Таныстыру
2. «Бәйге»
3. Үй тапсырмасы
4. «Адасқан обьектілер»
5. Сөз құрастыр
6. Тест тапсырмасы
Сынып оқушылары өзара бөлініп, «Африка», «Аустралия» деп топтарға бөлінді. Оқушыларға өзін-өзі бағалау парағы таратылды.
Таныстыру.
Әр топ дайындап әкелген төсбелгісін, топтың атын және ұранын қорғайды. Өзінің метеригіне қызықты мәлімет жинастырып әкеледі.
«Бәйге»
Оқушыларға жалпы сұрақтар қойылады. Қай топ бірінші болып қол көтереді, сол топ жауап бареді. Егерде топ дұрыс жауап бермесе,екінші топ жауап беруге мүмкіндік алады. Әр сұраққа ұпай беріледі.
1) Жер бетінің қанша пайызын Дүниежүзілік мұхит сулары алып жатыр?
2) Аустралия мемлекеттік елтаңбасында ненің суреті бейнеленген?
3) Үндістер мен негрлердің некелесуінен тараған ұрпақ атауы?
4) Меринос қойларының саны жөнінен д/ж-де І орын алатын материк?
5) Дүниежүзінде ең тұзды теңіз?
6) Аустралияның байырғы халқы?
7) Африка материгі неше географиялық аймаққа бөлінеді?
8) Виктория сарқырамасы қай өзенде, қай материкте орналасқан?
9) Аустралияның ауданы қанша?
10) Бұл материктің байырғы халқы үндістер, материк халқының 10 пайызын құрайды?
Үй тапсырмасы
Үйден дайындап келген сөзжұмбақтарын қарсы топтар шешеді. Сөзжұмбақта 10 сөз болуы шарт. Әр шешкен жауапқа 1 ұпай беріледі.
«Адасқан обьектілер»
Топтар қораптағы үлестірмені алып, кезек тақтаға шығу арқылы жер-су атауларына байланысты қай материкке жататынын, қандай обьект екенін айтып жабыстырманы картаға жабыстырады.
1) Чад –Африка көлі
2) Амазонка – Оңтүстік Америка өзені
3) Сахара – Африкадағы шөл
4) Анды – Оңтүстік Америка тауы
5) Гренландия – Солтүстік Америка аралы
6) Муррей – Аустралия өзені
7) Үлкен Артезиан – Аустрал ия алабы
8) Солтүстік Мұзды – Мұхит, жер шарының солтүстігінде орналасқан.
9) Мариан – Тынық мұхитының шұңғымасы
10) Канберра – Аустралия астанасы
11) Отты Жер – Оңтүстік Америка оңтүстігіндегі арал
12) Парана – Оңтүстік Америка өзені
13) Кап – Африка таулары
14) Тасмания – Аустралия аралы
15) Рас-Хафун – Африканың шығыс шеткі нүктесі
16) Ніл –Африка өзені
17) Лабрадор – Солтүстік Америка түбегі
18) Миссисипи – Солтүстік Америка өзені
19) Ине – Африканың оңтүстік мүйісі (шеткі нүктесі)
20) Анд – Оңтүстік Америка тауы

Сөз құрастыр
Бұл кезеңде алфавит бойынша әріптер беріледі. Сол әріптерден география пәніне байланысты сөздер құрау керек. Сөз дерді алма-кезек оқу арқылы сөздер екінші топта қайталанбау керек. Әр айтылған сөзге 1 ұпайдан беріледі.
А Б В Г Ғ Д Е Ж З К Қ Л М Н Ң И Й О Ө Ы І Ұ Ү П Р С Т Ш Х Я

2 әріптен –су, бу, ұя, ін
3 әріптен – құс, тау, жол, асу, күз,қыс, кен, көң,сел,жел, шың, сай, ...
4 әріптен – өзен, бұғы, тиін, өлке, ...
5әріптен – тоған, орман, шағыл, көмір, үңгір, құлан, темір,бұлан, көгал, ...
6 әріптен – шортан, шоңғал, ...
Сабақты қорытындылау үшін 10 сұрақтық тест тапсырмалары кесте түрінде беріледі. Дұрыс жауап ұяшығына «+» белгіні қояды.
Оқушылар бағалау парағын, тапсырмадағы ұпай сандарын есептеп, жалпы ұпайы бойынша қай топ жеңімпаз екені анықталынады және әр оқушы бағаланады. .