. Сабақтың тақырыбы:§ 3. Адамның қызметі
Сабақтың мақсаты:
Білімділік: оқушыларға адамның қызметі, қызметтің тұрпаттары мен түрлеріне түсінік беру және оның қоғамда алатын рөлін ашып көрсету.
Тәрбиелік: адамгершілікке тәрбиелеу.
Дамытушылық: оқушылардың ой-пікірін айта білу белсенділігін арттыру.
Көрнекілігі: тірек сызбалар.
Әдісі: тірек сызбаларды пайдалана отырып баяндау, өзара белсенділікті арттыру.
Түрі: аралас сабақ
Сабақтың барысы:
1. Ұйымдастыру кезең
а) сәлемдесу
б) сабаққа дайындығын тексеру
в) оқушылар назарын сабаққа аудару
2. Үй тапсырмасын тексеру
3. Даралық ұғымына сипаттама беріңдер.
4. Жеке адамның қалыптасуына қандай факторлар әсер етеді?
3. Білімдерін жан- жақты тексеру
5. Қоғамда адамның мәнін ашуға көмектесетін қандай ұғымдар бар?
6. Даралық латын тілінен аударғанда қандай мағынаны білдіреді?
7. Жеке адам немен тығыз байланыста болады?
4. Оқушыларды жаңа сабаққа дайындау
Сабақтың тақырыбын, мақсатын баяндау.
Оқушылар назарын сабаққа аудару.
5. Жаңа сабақты түсіндіру
Сабақ жоспары:
1. Қызметтің сипаты.
2. Қызмет етуге құлшыныс тудыратын факторлар.
Адам өмірі тұтастай қызметпен, белгілі бір іспен шұғылданумен өтеді. Әрекетсіз адам болмайды. Өмір бар жерде қызмет те бар. Өйткені қызмет – адамның өмір сүруінің формасы.

Қызмет қоғамның қозғаушы күшіне, прогрес факторына, қоғамның өзінің өмір сүру шартына айналады. Адам қызметінің жануарлар әрекеттерінен мәнді айырмашылығы – оның мақсаттылығында және құралмен орындалатындығында. Мақсатсыз және құралсыз, тек түйсікпен істелетіндіктен, жануарлардың әрекеттерін қызметкотегориясына жатқызуға болмайды.
Қызмет деп қоршаған дүниені мақсатты өзгертуге және жаңғыртуға бағытталған, онымен белсенді қатынас жасаудың тек адамға тән формасын айтамыз.
Қызметтің көптеген тұрпаттары мен түрлері бар.

Мақсат – қызметтің көздеген нәтижесін алдын ала барлау және белгілі бір құралдарды пайдалана отырып, оған жету жолдарын сипатталатын адамның тәртібі мен саналы қызметінің бір элементі болып табылады.
Мақсат – түрлі актілер мен операциялардың сипатын, жүйелік тәртіптерін айқындайтын қызметтің жобасы. Мақсат айқын болғанда – қызметтің нәтижесі де белгілі. Ал қызметтің өзі – мақсатты жүзеге асырудың балама жолдары мен жоспарларының арасынан тиімдісін таңдап алып әрекет етудің күрделі үдерісі болып шығады.
Психологияда адамды қызметтің белгілі бір түріне итермелейтін қозғаушы күшті мотив деп атайды.
Мотив (франц. Motif – себеп, себепке итермелеу) дегеніміз – субъектінің өз қажеттіліктерін қанағаттандыруға бағытталған әрекетке қосылуы; субъектіні белсенділікке келтіретін және оның бағыттылығын айқындайтын сыртқы немесе ішкі жағдайлардың жиынтығы; тұлғаның саналы қызметінің негізі және себебі.
6. Жаңа сабақты меңгергендігін тексеру:
1. Қызмет дегеніміз не?
2. Қызмет қоғамның қозғаушы күші дегенді қалай түсінесіңдер?
3. Қызмет етуге құлшыныс тудыратын қандай фактор бар?
7. Жаңа материалды бекіту:
1. Қызметтің түрлері мен тұрпаттары қандай?
2. Жануарлардың тіршілік әрекеттері мен адамның іс-әрекеті арасындағы мәнді айырмашылықты көрсет.
3. Мотив дегеніміз не?
8. Үйге тапсырма:§ 3. Адамның қызметі.
9. Бағалау: .