Наставник - сайт Открытых уроков. Учителя Казахстана. Образование в Казахстане
.
.
Татулық – бірлік бастауы. -

Татулық – бірлік бастауы.

Сабақ жоспары | Предметы | Өзін-өзі тану пәнінен ашық сабақтар Загрузок: 0 | Просмотров: 3788 | Размер: | Автор: Тәрбие
. 9 - сынып
17 – сабақ.
Күні: 12.01.2011 ж.
Тақырыбы: Татулық – бірлік бастауы.
Мақсаты: оқушылардың татулық, бірлік, ынтымақ туралы түсініктерін кеңейту.

Міндеттері:
• татулық, бірліктің адами қарым-қатынастағы мәнін ашу;
• адамдармен сыйластықты, жарастықты қарым-қатынас жасау іскерліктерін дамыту;
• бірлікке, ынтымаққа тәрбиелеу.

Шаттық шеңбері
Оқушылар шаттық шеберіне жиналып, «Тату болсақ бәріміз ...» ойын жалғастырып, ұйқастырып өз ойларын ортаға салады.

Әңгімелесу.
Оқулықта «Ойланайық, пікірлесейік» айдарымен берілген сұрақтарды талдау барысында татулықтың адам өміріндегі маңызына оқушылардың назары аударылады.
• Адамдармен тіл табысудың қандай жолдарын білесіз?
• Адамдармен ренжіскен кезде қандай күйде боласыз?
• Өзге адамның пікірімен келіспеген жағдайда не істер едіңіз?
• Адамдар арасындағы жарастықты, сыйластықты, тыныштықты сақтауға не ықпал етеді?
• Кез келген нәрсені сабырмен шеше аласыз ба?

Мәтінмен жұмыс
Оқушылардың татулық сақтауда адамдарды бір-бірімен қарым-қатынасының маңызды екенін, өмірде бірлік, ұйымшылдық, төзімділік ұғымдарының қажеттілігін түсіндіру мақсатында оқулықтағы «Құстар торға қалай түсті?» деген үнді аңызын оқу ұсынылады.
Өзара түсіністіктің адам өмірінде зор маңызы бары түсіндіріледі.

Дәйексөз
Оқулықтағы «Дәйексөз» айдарымен берілген:
«Алтау ала болса,
Ауыздағы кетеді.
Төртеу түгел болса,
Төбедегі келеді» - деген халық мақалын оқушылардың өз ой-пікірлерін ортаға салу үшін талдауға ұсынылады.

Дәптермен жұмыс
Елімізде тұратын әр ұлт, ұлыс өкілдері және олардың ерекше қасиеттері, әдет-ғұрыптары туралы материалдар жинап, «Халықтар достығы» фестиваль сценарийін жазыңыз.

Жүректен жүрекке
Оқушылар шеңбер бойына жиналып сағат тіліні бағытымен жанындағы көршісіне ел татулығын тілеп, жақсы көңіл-күй сыйлайды.
Скачать методички (классные уроки) для учителей по разным предметам: история, литература, физика. Как провести урок с учеником, вам поможет грамотно составленный план урока. Занятия по математике, литературе, физике, информатике, химии, психологии.
.