. Маңғыстау облысы
Түпқараған районы
Форт-Шевченко қаласы
Есбол Өмірбаев атындағы орта мектебі
Бейнелеу пәнінің мұғалімі
Алашай Орымбай

Сабақтың тақырыбы: Желілік (сызықтық) және әуе перспективасы
Сабақтың мақсаты:
Білімділік.Оқушыларға перспектива заңдылықтары туралы түсінік беру. Перспектива заңдылықтарын қолдана отырып,сурет салуға баулу. Дамытушылық.Оқушылардың ой-өрісін,қиялын елестету,қабілетін қалыптастыру. Тәрбиелік.Әсемдікке,еңбексүйгіштікке,ұқыптылыққа тәрбиелеу.
Сабақтың түрі: Жаңа сабақ,суретпен жұмыс
Сабақтың әдісі: Түсіндіру,сұрақ-жауап,үйрету,орындату.
Сабақтың көрнекілігі: Интерактивті тақта,слайдтар,бөлме ішінің және дала кеңістігінің перспективалық көріністері,алма.
Сабақтың барысы.
І.Ұйымдастыру кезеңі.
Оқушылармен сәлемдесу,оқушының сабаққа қатысуын және дайындығын тексеру.Оқушы назарын сабаққа аудару.
II Өткен сабаққа шолу жасау,қайталау.
- Композиция дегеніміз не?
- Динамикалық композиция дегеніміз не?
- Жүгірген бала дәптердің қай жағында тұрады?
- Суға секірген адам форматтың қай жерінде орналасады?
ІІІ. Жаңа сабақты түсіндіру
Перспектива-бір шаршы кенепте қағаздың бетінде кеңістікті қалай бейнелеу туралы ілім. Ол бізге көз алдымыздағы болмысты сол көрініп тұрған қалпында бейнелеуге мүмкіндік береді. Перспективаның заңдары өте көп,соның ең бастысын екеуін суретшілер қалайда білуге тиісті.
• Біріншісі,зат бізден неғұрлым алыс тұрса,ол соғұрлым кішкентай болып кқрінеді.
• Екіншісі параллель сызықтар бізден алыстаған сайын арасы жақындап,көкжиекте бір нүктеге тоғысып тынады.
Оған темір жолғға не телеграф сымдарына зейін салып қарасаңыз,көзіңіз әбден жетеді. Біз әңгіме қылып отырған перспектива картинадағы не суреттегі кеңістікті сызық арқылы бейнелеуге болатындықтан сызықтық перспектива деп аталады.



Онымен қоса, әуе перспективасы деген де ұғым бар. Егер ашық теңізге шығып,көкжиекке көз салсаңдар,заттар бізден алыстаған сайын жарығырақ,бозғылтым бола түскенін байқайсыңдар.Көз ұшындағы орман да алыс тау шоқыларындай көгілдір тартады. Өйткені біздің жанарымыз бен алыстағы нысанның арасында тығыз ауа қабаты жатыр. Әлгі заттардың өңін жұмсартып,түсін өзгертіп тұрғанда сол. Оны бірінші боп байқап,өз шығармасында бейнелеген-итальян суретшісі Леонардо да Винчи болса,
• Перспектива заңдылығы зерттеуге неміс суретшісі Албрехт Дюрер үлкен үлес қосқан.
Перспективаны бейнелеу негіздері
1. Картина жазықтығы
2. Көкжиек сызығы
3. Көру нүктесі
4. Шығу нүктесі
5. Көру деңгейі және т.б. түсініктердің жиынтығынан құралады

1.Картина жазықтығы-бейнелейтін зат пен суретшінің көзі арасындағы ойша салынған вертикаль бағыттағы жазықтықты айтамыз.
2.Көкжиек сызығы-суретшінің көз деңгейін білдіретін өлшем.
3.Көру нүктесі-сурет салушының затты бақылайтын нүктесі немесе орны.
4. Шығу нүктесі-өзара параллель түзулердегі алыстаған сайын бір-біріне жақындап, көкжиек сызығына барып қосылатын нүктесі.
5.Көру деңгейі-суретшінің көз деңгейін білдіретін, ойша алынған жазықтық.
Оқушылармен жұмыс. Оқушылардың қызығушылығын арттыру жаттығуы.
Тақтаға бір-бірлеп шығарып,желкенді кішкентай қайықшы перспектива заңдылығын ескере отырып орналастыру.
Үй тапсырмасы. Бөлме ішін бейнелеп келу.
Бағалау.
Есбол Өмірбаев атындағы орта мектебі

"Оқушыларға эстетикалық пәндер арқылы халықтық тәрбие берудің маңызы"атты аудандық семинарында өткізілген
Ашық сабақ
Тақырыбы:"Желілік (сызықтық) және
әуе перспективасы"

Сыныбы: 5
Пәні: Бейнелеу өнері
Өткізген: Алашабай.О

2014-2015оқу жылы .