. Кульджина Нұрғиза Бекзұрқанқызы
Тарих пәні мұғалімі
Семей қаласы № 13 жалпы орта білім беретін мектебі

Дінтану пәні

Тақырыбы: Ислам дінінің пайда болуы

Мақсаты: Ислам дінінің пайда болуы туралы түсіндіру
Міндеттері:
- Араб тайпаларының бірігу себебін ашып көрсету;
- Ислам дінінің ерекшелігіне назарларын аудару;
- Оқушыларды имандылыққа тәрбиелеу.

Сабақ түрі. Аралас

Сабақ көрнекілігі: карта, әдебиеттер, слайд, т.б
Пәнаралық байланыс: Тарих, әдебиет, география.
Сабақ барысы:
1. Ұйымдастыру, оқушылардың зейінін сабаққа аудару.
2. Сабақтың мақсатымен таныстыру
3 . Сабақ жоспарымен таныстыру:
- Ислам діні пайда болғанға дейінгі арабтардың өмірі
- Ислам дінінің пайда болуы және арабтардың ислам дінін қабылдауы
- Ислам дінінің христиан дініне ұқсастығы мен айырмашылықтары

Оқушылардың ислам діні туралы бұрынан не білетіндіктерін білу үшін сөз топтамасын құру:

Ислам діні туралы
не білесіңдер?

Жаңа сабақты жоспар бойынша түсіндіру:
Слайдпен жұмыс:
1.Арабтардың мекені – Аравия түбегі. (карта)
2. Табиғаты – көп бөлігі қуаң дала мен шөлейтті, шөлді жерлер, климаты құрғақ, ыстық, жауын өте сирек жауады.
3. Арабтардың кәсібі: - бәдәуилер – көшпелі арабтар түйе, қой, жылқы өсірді,
Отырықшы арабтар – түбектің батысы мен оңтүстігіндегі жазираларда отырып, бау-бақша өсірді.
Мекке қаласы қызу сауда орталығы болды. (қаланың суреті - Қағба)
4. Арабтардың 300 – ден аса тайпасының діни нанымдары әртүрлі болды, пұтқа табынатын. Олар әсіресе Шолпан жұлдыз құдайын (Астар) құрмет тұтты, Ай құдайы (Син), Күн құдайына, Құдай – ана Латқа табынса, жергілікті сенімдерден бөлек арабтардың арасында иудаизм және христиандық дін де тарады. Бұл мемлекет құруға кедергі жасады.
5 . Араб тайпаларының бірігуіне – жаңа дін ислам діні жәрдемін тигізді.
«Ислам» - адамдардың Құдайға деген айрықша қатынасын, яғни Құдайға «берілуді» білдіреді.
Мұсылман – құдайға берілген адам, яғни ислам дініне сенушілер.
6. Ислам дінінің негізін қалаушы Мұхаммед пайғамбар.
622 жылы - Ислам діні пайда болды. (Ясриб қаласында). Хижра жылы.
Хижра – қоныс аудару, Мұхаммедтің Меккені тастап, Ясриб (Медине) қаласына қоныс аударуы
630 жылы – араб тайпаларының көпшілігі ислам дінін қабылдап, мемлекет құрды
Мекке – мұсылмандардың «қасиетті қаласына» айналды
Құран – исламның қасиетті кітабы

Әр слайдты көрсете отырып, оны толықтырып отырамын.

Дәптермен жұмыс бірге жүріп отырады.

Оқушы білімдерін пысықтау үшін тапсырмалар:
1- тапсырма.
Үш қатарға бөлек ақ беттер жіберіледі, қатар отырған екі бала жаңа тақырып бойынша не білгенін бір сөйлеммен жазады, артқа жіберіледі, жазылғандарды екінші рет қайталамау ескеріледі. Жылдамдық талап етіледі.
Қателері түзетіледі, толықтырылады. Қорытындысы шығарылады.
2. тапсырма.
Ислам діні туралы пікір:
Пайдалы жағы туралы - 1-ші қатар оқушылары,
Зиянды жағы туралы – 2-ші қатар оқушылары кезектесіп айтып отырады.
3-ші қатар оқушылары толықтырып, талдау жасайды
3 тапсырма. Ислам діні мен Христиан дінінің айырмашылықтарын жазу

Жаңа дерекпен оқушыларды құлаққағыс ету: Америка ғалымдары үшінші мыңжылдықтың қарсаңында адамзат тарихында айрықша із қалдырған ең ұлы 100 адамды анықтаған. Компьютерлік сараптау жолымен арғы – бергідегі адамзат баласының ең ұлы перзенті болып Мұхаммед пайғамбар танылған.
«Егемен Қазақстан»

Сабақты қорытындылау:
Оқушылардың сабақты қалай меңгергендіктерін, сабақтағы белсенділіктерін, сабаққа қатысуларын, пәннің маңыздылығын айту. .