. Бөкей Ордасы ауданы Муратсай ауылы
А.Құсайынов атындағы ОЖББ
мектеп-балабақшасының ІІ-санатты
технология пәнінің мұғалімі:Қазенова А.Т.

Сабақтың мақсаты: «Қазақтың ұлттық киімі-камзол тігу.»
Сабақтың мақсаты: Оқушыларды ұлттық киім түрлерінің шығу тарихымен таныстыру.
Білімділігі: ұлттық киімнің түрлерін тіге білуге, үлгісін сыза білуге үйрету көрсету.
Тәрбиелігі: шеберлікке, шыдамдылыққа, ұлттық дәстүрді сақтауға тәрбиелеу.
Дамытушылығы: теориялық білімдерін іс жүзінде пайдалана білуге, халқымыздың тарихын біліп, елін дәріптей білуге, тарихын біліп, елін сүюге тәрбиелеу.
Сабақтың түрі: Дәстүрлі.
Сабақтың әдісі: сұрақ-жауап, баяндау.
Сабақтың көрнекілігі: Ұлттық киім түрлері, буклеттер, дайын суреттер.
Сабақтың барысы:
1.Ұйымдастыру бөлімі: Сабақтың мақсатымен таныстыру.
Оқушылардың назарын сабаққа аудару.
2. Кіріспе сөз: Жаңа тақырыппен таныстыру.
3. Үй тапсырмасына тоқталу.
1. Қол тігін жұмыстарын түрлерін айтып бер?
2. Жалпы киім түрі неше түрге бөлінеді?.
3. Көркем сәнді тігістер туралы түсініктеріңді айтып бер?
4. Қауіпсіздік ережелерін айтып беріңіздер.
ІІ. Жаңа тақырып
Бүгінгі сабағымызда йық бұйымдарына жататын ұлттық киіміміздің бір түрі камзол тігуді жөнінде мағлұмат алатын боламыз.
Қазақ әйелдері киімінде камзолдың орны ерекше. Сырт киім ретінде камзол басқа да түрлері қазақ халқына ортақ.
Қазақтың-киімнің шығу тарихы
Ұлттық- ұлттық киім тәрбие бастауы
Киімі- ұлттық киім түрлері
Камзол-Мата таңдау, киімді конструкциялау,түс үйлесімділігі.
Киімнің шығу тарихы: Әрбір халықтың тұрмыс-тіршілігінде орын алатын салт-дәстүр тарихта қалады. Қазақ салтында көнеден келе жатқан бір дәстүрлі мәдениеті ұлттық киім. Киім белгілі бір халықтың тұрмыс салтының көрінісі.Адам баласының түрлі даму сатыларынан өткені секілді олардың ақыл- ойының өсіп, тұрмыс мәдениетінің дамуына орай киім үлгілері де жетіліп отырады.
Ұлттық киім тәрбие бастауы: Киім-кешек ұлт байлығы.Ұлттық киімдерімізге қарап, халқымыздың эстетикалық талғамының нәзік те бай екеніне көз жеткізуге болады.Ата-бабамыз ұрпақ тәлім- тәрбиесіне өмірінің жалғасы деп қарап, «Адамның көркі шүберек» деген. Жас шамасына дәулетіне қарай үйлесімді,шаруасыда, сауыққа да ыңғайлы киім киген.
Мата таңдау. Камзолдың материалы көбінесе түкті матадан, барқыт пен шұғадан да тігеді. Міндетті түрде бір түкті матадан тігілу керек. Киімді конструкциялау үшін камзолдың сызбасы сызылады. Ол үшін мынадай өлшемдер алынады.
1. КШ- кеуде шеңбері
2. БШ-бел шеңбері
3. ЖШ- жамбас шеңбері
4. АБҰ-аралық белге дейінгі ұзындық
5. КҰ-киімнің ұзындығы
Камзолдың сызбасы негізгі үш бөлікке бөлінеді: тор, алдыңғы бой, артқы бой. Киім тігерде оның әсеидігіне, ыңғайлылығына, гигеналық талапқа сай болуына, мықтылығына назар аударылу керек. Камзолда жең, жаға болмайды. Тек омырауға дейін ойық қалдырады.
Түс үйлесімділігі. Түс таңдау мәселесіне келсек, кез-келген киімдегі маңызды бір мәселе түсі болып табылады. Ол адамның сезіміне, көңіл күйіне күшті әсер етеді. Адамның түсі қабылдауының өз заңдылықтары бар.Қыздар көбінесе алқызыл түсті камзол киген, қызыл түс байлықтың, күннің, оттың, өмірдің символы. Ал орта жастағы әйелдер, қарт әжелер негізінен көк, ақ түсті киімдер камзол киген.
Көркемдік сәндік жұмыстар. «Өнер таусылмас қазына, жұтамас байлық» дейді дана халқымыз. Қазақ қол өнерінің ғасырлар талғамына өткен асыл қазынасы, мол, солардың бірі кестелеу өнері, қажет болғанда камзолды кестелеуге болады. Соңғы кезде камзолды бисермен кестелеу кең етек алуда.
Сергіту сәті.
Сыныпты екі топқа бөліп, еңбекке, ұлттық өнерге байланысты мақал- мәтел айту, жұмбақ жасыру сайысы ұйымдастырылады.
Қорытынды.
Сабақты бекіту үшін «алтын қақпа» ойынының әдісі қолданылады. Ойынды сыныптың бір оқушысы жүргізеді.
Үйге тапсырма
Камзол өңіріне салынатын ою-өрнек түрлерін сызып келу. .