. Сабақтың тақырыбы: Кесте тігу.
Сабақтың мақсаты: Оқушыларға кесте тігуді үйрету.
Сабақтың міндеттері:
а) Білімділік: Кесте тігу өнерінің шығу және даму тарихымен және кесте тігудегі технико-технологиялық мәліметтер беру. Құрал-жабдықтарымен, қауіпсіздік техникасымен таныстыру. Жұмыс орнын ұйымдастыру.
ә) Дамытушылық: Оқушыларды шығармашылықпен жұмысқа баулу. Кесте тігудегі іскерліктері мен дағдыларын қалыптастыру.
б) Тәрбиелік: Кесте тігуде оқушыларды ұқыптылыққа, әсемдікке, көркемділікке, шеберлікке, еңбек сүйгіштікке тәрбиелеу.
Сабақтың түрі: сарамандық
Сабақтың көрнекілігі: нұсқау карта, кесте түрлері, суреттер.
Қажетті құрал-жабдықтар: Бір түсті мата, түсті кесте жіптер, ине, қайшы, кергіш, бор, үлгі.
Сабақтың барысы:
I. Ұйымдастыру кезеңі. Сабақтың тақырыбын, мақсатын айту. Оқушыларды жаңа сабаққа дайындау, қауіпсіздік ережесін сұрау.
II. Жаңа сабақ.
Кесте тігу үшін жіп, мата, ине (көзі кең қысқа), қайшы, оймақ, біз және кергіш қажет. Иненің жуан жіңішкесі кесте тігетін матаның қалың жұқалығына байланысты болады. Инеге жіп сабақтағанда жіптің ұзындығы 60-50 см-ден аспауы керек. Кергішке кестелегенде оймақ қажет емес. Қайшының ұшы үшкір, ұзындығы 10-12 см дейін ғана болуғаны дұрыс. Кестелеу үшін әртүрлі жіптерді пайдаланады. Ұсақ бұйымдарды әдетте шеңбер кергішке кестелейді. Кестелеу кезінде жіптің ұшын түюге болмайды.
Кесте түрлері: Кесте санап тігілетін, яғни жіпті санап отырып кестелеу және еркін сурет нұсқасы бойынша санамай, еркін кестелеу деп бөлінеді.
Кесте тігу –халық өнерінің бір түрі. Ол ерте кезден келе жатқан көне өнер. Кестені киімді, үй жиһаздарын әсемдеу үшін пайдаланған. Әр халықтың өзіне тән ою-өрнек түрлері, кестелеу тәсілдері, өзіндік мәнерлеу ерекшеліктері қалыптасқан.
Ертедегі адамдар қарапайым маталар мен жіптерден әсем бұйымдарды кестелеген. Бізде осындай бұйымдарды өз қолымызбен дайындап үйренеміз.
Қазақтың ұлттық кесте тігу өнері. Біздің елімізде мекендейтін халықтардың кесте тігу өнері де алуан түрлі. Қайталанбас әсем өрнек түрлері әр халықта кездеседі. Қазақ халқаның кесте тігу өнері тігіс тәсілдері мен өрнек түрлерінің қамтылуы жағынан да алуан түрлі, өте бай. Киіз үйді, ат әбзелдерін, ұлттық киімдерді де кестелеп дайындаған. Әсем кестелі бұйымның бір үлгісі –түскиіз.
III. Практикалық жұмыс.
Оқушылар бұйымды нұсқау картамен орныдайды.
Нұсқау карта «Тор көзді бет орамал»
Жұмыстың орындалу реті:
1. Матаны дайындау
2.Алдын ала дайындалған матаның жібін суыру арқылы шашақтау
3. Орамалдың бетін тең бөліктерге бөліп, белгілеу
4. Бір жіптен сурып алу. ( орамал бетінде шаршы, төртбұрыш өрнектермен
көмкерілген қарапайым өрнектер шығады)
5. Төрт жиегінен қарапайым тігіс көктеп тігуді орындау
6. Осы тігістердің арасынан келесі жіпті тікпей бос алып шығу(толқын тігіс пайда болады)
7. Жұмысты аяқтау.
IV.Сабақты қорытындылау.
Сабақты бекіту. Оқушылардың жұмыстарын бағалау және көрме ұйымдастыру. Жұмыс орнын жиинау. .