. Пәні: Технология
Сынып: 7 а
Күні: 01.03.2014 ж
Сабақтың тақырыбы: Пәтер интерьеріндегі бөлме өсімдіктері
Сабақтың мақсаты: Білімдік мәні: : Бөлме өсімдіктер жөніндегі теориялық білімдерін меңгертіп, оны іc- жүзінде қолдануға үйрету.
Дамытушылық мәні: Сын тұрғысынан ойлау технологиясының әдіс-тәсілдерін белсенді қолдану арқылы оқушыларды жеке, жұппен, топпен жұмыс істеу, басқаларды тыңдау, өз көз-қарастарын дәлелдеп қорғай білу, біліктіліктерін дамыту.
Тәрбиелік мәні: Бөлме өсімдіктер білімдерін жүйелеп біртұтастыққа қарастыру, оқушылардың ақыл-ойын, ғылыми дүние танымдылығын қалыптастырып, тірі табиғатпен ізгілікті қарым-қатынаста болуға, экологиялық мәдениеттілікке тәрбиелеу.
Сабақтың түрі: Өзара белсенділікті арттыру сабағы.
Сабақтың әдісі: Түсіндіру,сұрақ-жауап,топтық жұмыс, СТО технологиясының элементтері.
Сабақтың барысы:
1.Ұйымдастыру.
Сәлемдесу. Оқушыларды түгендеу. Кезекшілікті тағайындау.
№10 Техника қауіпсіз ережелерін қайталау.
2.Үй тапсырмасын сұрау.
І.Қызығушылықты ояту.
ІІ. Мағынаны ажырату.
ІІІ. Ой толғақ:
Жаңа сабақ:
1. Өсімдіктер – біздің емшіміз.
2. Дара өсімдіктер.
3. Бөлме бағы.
4. Террариум.
5. Қонақ бөлме.
6. Жатын бөлме.

І.Қызығушылықты ояту. (Ассосация)



Оқушылар, адам өмірі табиғатпен, яғни өсімдіктермен тығыз байланысты. Өсімдіктерді тамаққа, емге қолданып, үйлерін сәеденген, оны рухани байлықтың белгісі ретінде қолданған. Бүгінде жайлы үйді бөлме өсімдіктерінсіз елестету қиын. Бөлме өсімдіктерінің өмірімізді әрлендіріп, сәндік және тазалық рөлін атқаратынын бәріміз білеміз. Олай болса, бүгінгі сабағымызда Пәтер интерьеріндегі бөлме өсімдіктері туралы білетін боламыз.
ІІ. Мағынаны ажырату.
Өсімдіктер тарихы.
Интерьерді көгалдандыру үшін 3000 астам өсімдік түрі қолданылады. Олардың көбі субтропиктік белдеуден әкелінген. Бөлме өсімдіктерінің 19% Оңтүстік Америкадан әкелінген тропиктік өсімдіктерден құралады. Олар: бегония, монстера, юкка, пастифлора. Өсімдіктердің 17,6% Оңтүстік Африкадан шыққан түрлер құрайды. Олар пеларгония, хлорафитум, Орталық Америка, Мексика, Вест-Индия, бөлме өсімдіктерінің 13,8% берді. Олар ;кактус, пуансеттия, кейбір суккулентті өсімдіктер. Барлық өсімдіктердің 13,5% тропиктік Азиядан(Үндістан, Үндіқытай). Олар: патша бегониясы, каучукті фикус, кодеум, архидея. Жерорта теңізі маңынан шыққан өсімдіктер 9,8%-ды құрайды. Олар: гранат, қоңыраубас, лавр,хамеропс пальмасы, т.б. Оңтүстік Американың субтропиктік белдеуі 5,8%-ды құрайды. Солтүстік Мексика 5,5% құрайды: традесканция, руэллия. Африканың тропиктік өсімдіктері 5,1%-құрайды: кофе ағашы, драцена, сансевирия. Шығыс Азиядан таралған 3,2%-ды құрайды: адалия, аспидистрия, аукуба, камелия, фатсия. Австрия мен Жаңа Зеландия 3,1%-ды құрайды: араукария, корделина. Орта Азия мен Канар аралдары 3,6%-құрайды: фикус немесе инжир, канар құрмасы.
Адамзат дамуының алғаш-қы дәуірінде олардың негізгі қорегінің өсімдіктер болғаны мәлім. Тағам үшін ішіп-жейтін өсімдік түрлерінің көбеюіне байланысты адамдар олар-дың әрқайсының ерекше дәмі, иісі, қасиеті барын да байқаған.
Ертедегі египеттіктер де алоэ, қараған, анис, медуница, зығыр, лотос, көкнар, жалбыз, тал, аршаның шипа-лық қасиеттерін біліп үй бөлмесінде, үй ауласында өсіре бастаған. Мұнан 4 мың жыл бұрын үндістандықтар 760 дәрілік өсімдіктікті пайдалана біліп, гүлдер отырғызумен де әуестенген. Кейін өсімдіктердің далада, үй ауласында, үй бөлмесінде өсетін түрлері пайда болып, олар сәндік қызмет атқарды. Адамдар үйінде, ауласында өсетін гүлдерді бір-біріне сыйлап, оның жұпар иісінен, әсем түрінен ләззат алады.
Екі топқа тапсырма беру.
І топқа. «Қонақ бөлмесі өсімдігі»
ІІ топқа. «Ас үй бөлмесі өсімдігі»
ІІІ. Ой толғау. Бөлме өсімдіктері мен дала өсімдіктерін салыстырыңдар. (Венн диаграммасы )
Айырмашылығы Ұқсастығы
Айырмашылығы



1. Адам өмірінде өсімдіктер қандай рөл атқарады?
2. Бөлме өсімдіктері не үшін қажет?
3. Өсімдіктерді дұрыс күту тәсілдерін айтып беріңдер.
4. Өсімдіктердің қандай түрлерін білесіңдер?
5. Үйлеріңде қандай өсімдіктер бар?
6. Пәтердегі бөлме өсімдіктерін орналастыру тәсілдерін атаңдар.
Қорытындылау.
Бөлме өсімдіктері өте пайдалы. Олар бөлменің ауасын тазартады, ондағы көмір қышқыл газын сіңіріп, оған оттегін бөліп шығырыды. Ал егер өсімдіктердің көлемі үлкен болып, бөлмеге жарықтың енуіне кедергі жасаса, ол зиянды. Сондай ақ өсімдіктер күтілмесе, онда оның жапырақтары «шаң-тозаң жинағышқа» айналып, түнде олар да оттегін сіңіреді. Сөйтіп, бұл жағдайлар өсімдіктердің пайдасынан гөрі зиянын арттырып, бөлме ауасын «тарылтады». Сондықтан бөлме өсімдіктерінің жапырақтарының шаң-тозаңдарын ылғалды шүберекпен сүртіп, тазартып отыру қажет.Үй өсімдіктерін бөлменің кез-келген жеріне қоя салмай, олар өсіп тұрған ыдыстарды тиімді де ыңғайлы әрі сәнді етіп орналастырудың маңызы зор.

Бағалау стратегиясы. ( топ басшысы бағалау парағын оқып тапсырады)
№ Оқушы Жинаған балл саны Қосымша
балл Бағасы
№1 №2 №3 №4 №5
1
2
3

Рефлексия:
Бүгінгі күн керемет, өйткені ......................................................................................................................
Сіз үшін сабақта ең негізгі болған сәт? ........................................................................................................
Сіз үшін не қиын және түсініксіз болды? .......................................................................................................
Үйге тапсырма: Пәтер интерьеріндегі бөлме өсімдіктері. .