. Болашақ ұрпақ тәрбиесі өте жауапты іс. «Ел боламын десең бесігіңді түзет» деген қазақ даналығы бекер айтылмаса керек. Бала тәрбиесі негізінде ана құрсағында жатқанда басталады.
Адамның табиғи жаратылысы ТӘН мен ЖАН. ТӘН мен ЖАННАН тұрса: жан дегеніміз-рух, ал тән-нәпсі. Жан тазалығы мен тән тазалығы адамгершілік, имандылықтың ең жоғарғы шыңы десе болады.
Бесік жыры арқылы әуезді әуенмен, ана сүтімен, ұлттық менталитетімізге лайықты рухани байлығымыз жаңа туған сәби бойына мысқалдап сіңеді. Әдептілік, имандылық, мейірімділік, ізеттілік, кішіпейілділік, қайрымдылық құндылықтары қалыптасқан халқымыздың осы асыл да абыройлы қасиеттерін жеткіншектердің ақыл-парасатына азық ете білу үшін әрбір ұстаз сан ғасырлап қалыптасқан әдет-ғұрып, салт-дәстүрлерді жан-жақты терең білумен қатар, өзінің бойына адами құндылықтарды терең сіңірген , рухани жаны, тәні таза адам болуы шарт дер едім.
«Адамның адамшылығы жақсы ұстаздан болады» деп Абай атамыз көрегендікпен айтқан. Бала тәрбиесі бесіктен басталады. Ұлды да қызды да өскен соң тәрбиеге үйретемін деу бекершілік. Әсіресе қыз бала тәрбиесіне жауапкершілікпен қарап, талап қоя білу-анасының басты парызы. .