. Алматы қаласы №104 жалпы білім беретін мектептің педагог- психологы
Құрманжанова Айжан Ізбасарқызы

Ашық сабақ тақырыбы: « Сыйынар ем Ана деген тәңірге! »
Ашық сабақ мақсаты: Ана жайлы тамаша сөздер, өлеңдер, әндер арқылы ұстаз, аналар мен аруларды мерекемен құттықтау, оқушыларды мейірімділікке, ұстамдылыққа тәрбиелеу, қстаздарға, ата-аналарға деген құрмет-сыйын арттыру, ана еңбегін қадірлей білуге үйрету.
Көрнекілігі: слайд, анаға тілек жазылған плакаттар, суреттер.
Барысы:
Кіріспе:
Жүргізуші: Кеш жарық қымбатты ұстаз-аналар, арулар!Көңілдеріңізге көктем шуағындай сезім мен нұр құйып, тағы да 8-наурыз халықаралық әйелдер күні мейрамы келді. Осынау көктем мерекеcінің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес. Олар өмірдің гүлі, көңілдің жыры, отбасының алтын діңгегі. Мынау тынымсыз тіршілік пен кең дүниенің өзі тек аналармен ажарлы. Бүгінгі арайлап атқан нұрлы таң мен бірге әрбір сәби жүрегі өзің деп соқса бүгінгі мерекелік кешіміз де аналарға арналады.
Біз ғана емес қадір тұтқан бабалар.
Аналардан туған небір даналар!
Ана деген тіршіліктің тірегі
Армысыздар қасиетті аналар!-дей келе ашық сабағымызды ашық деп жариялаймыз.
Жүргізуші: Құрметті аналар, біздің колледж ұстаздары, қыздар! 8-наурыз халықаралық әйелдер күні мерекесі құтты болсын! Сіздерге әрқашан сыр бермес денсаулық, өмірдің шапағатын тілейміз! Бұл күні өзіңізге бағытталған тілектер періштенің құлағына шалынсын...Әрдайым мейірім шуағын шашып жүре беріңіздер!
Сіздерден өскен бабалар,
Батырлар мен даналар,
Құттықтаймыз мейраммен
Құрметті абзал аналар,-дей келе құттықтау сөз сынып жетекшіге__________________беріледі.
Жүргізуші:
Көңілің Алатаудың ақ қарындай,
Мейрімің күннің шуақ шақтарындай,
Қалайша аяулы ана тына алармын,
Ән болып сағыныштан ақтарылмай,-деп абзал аналарымыз бен қырмызы қыздарымыздың құрметіне _______________________орындауындағы _________________әнін қабыл алыңыздар.
Ән:________________________
Жүргізуші: Тіршілікке нәр берген ана сүті қандай құдіретті. Әлемдегі жақсылық көзі, адамдық қасиет, ақ тілек, мейірбандықтың бәрі ана деген сөзбен астасып жатыр.
Аяулысың, ауылымның асылдары,
Жайнасын көңілдердің жасыл бағы,
Сендер үшін ән мен күй, өлең мен би,
Сендер үшін мереке шашулары- дей келе келесі кезекті топ студенттерінің өлең шумақтарына беріледі.
1-оқушы:
Бесік жырың ғұмырымды күй қылған,
Есіл нұрың ойыма ақыл құйдырған,
Асыл ана құтты болсын мерекең,
Құшағына күллі әлемді сыйдырған!

Құтты болсын аналардың мейрамы,
Жарқыраңдар жаз күніндей жайдары,
Мерекесі бұл көктемнің алғашқы
Бақыт берсін әр көктемнің айлары.
2-оқушы:
Мерейлі сәт мерекеге ұласып,
8-наурыз келді қыр асып,
Қыз келіншек, нәзік жандар мейрамы,
Көктемнің шапағатын тұр шашып.

Құттықтаймыз аналарды, қыздарды,
Мерекеден шуақты бір із қалды,
Болсын әр кез көтеріңкі көңілдер,
Нұрын шашсын мерекеге өңірлер!

3-оқушы:
Анасыздар, әр үйге панасыздар,
Бала десе от болып жанасыздар,
Сәтті басса ұрпағың,-мерей тасып,
Қыз күлкісін сусын қып қанасыздар!

Анасыздар-Ақ Еділ, Жайықсыздар,
Жүзе алмайды өтінде қайықсыздар,
Маздататын, жүректе от лаулататын,
Әр үйдің күні десе лайықсыздар!

Жүргізуші:
Аналар адамды бесігімен баулиды. Өмірдің ірге тасы солардың қолымен қаланады. « Жәннәт-аналардың аяғының астында»-деп, ислам діні әйелдерді ерекше құрметтейді. Егерде бір үйде қыз бала дүниеге келсе-береке, молшылық, бейбітшілік болады, ата-анасына қуаныш әкеледі деп жорыған.
Жүргізуші:
«Отбасы-шағын мемлекет»-деген сөз бар. Ынтымағы келіскен, түтіні түзу ұшқан әрбір шаңырақ мемлекеттің құт-берекесі. Әйел-ана отбасы берекесін, жылуын сақтаушы, қоғамның ертеңгі болашақ ұрпағын тәрбиелеуші. Олай болса, «Анасы бар адамдар ешқашан қартаймайды дегендей келесі кезекте ән. Орындайтындар:____________________________________________
Ән:_______________________________
Жүргізуші:
Ана –барлық қиындықты жеңетін, сарқылмайтын күш, тіршіліктің қайнар бұлағы. Қазақ дастарханы тоқ, қонағы ырза, дүниесі түгел. Олар үшін 1-ші орында отбасының берекесі тұрады.Бөбегін бесікке бөлеп, әлдилеген ана бақыт құшағында емес пе?!

Жүргізуші:
Бір өзіңнен бастап өмір жолдарын,
Жүрегіңе жүрегімді жалғадым,
Өзің мына сыйға берген өмірде
Ақ сүтіңді ақтап өту арманым!

1-оқушы:
8-наурыз 2014 жыл көктемі
Қыстың кетті аязының өктемі,
Мерекеңіз құтты болсын ханымдар
Күндей болып жарқыраңдар көктегі.

Әйел, қыздар сендер көктем гүлісің
Ақындардың өлең арнар жырысың
Ұрпақ жалғап, өмір сыйлап адамға
Ғасырларға жалғасады бұл ісің.

Сұлусыңдар күн нұрынан жаралған
Шапақтарың бар әлемге таралған
Гүлдеріне жаз күнінің ұқсайсың
Орындалсын жүректегі бар арман.

2-оқушы:
Әжемді мейрамымен құттықтаймын!
Айтатын ән, беретін гүлім дайын!
«Әжетай сені жақсы көремін!»-деп,
Ақырын құлағыңа сыбырлаймын!

Жыр арнайық оларға жігері ассын,
Гүл арнайық көңілі шалқып тассын,
Сыр арнайық жүректі жарып шыққан
Нұр арнайық қуатын беріп жастың!

3-оқушы:
Батыр да туған анадан, ақын да туған анадан
Ананың биік тұғыры, анадан туған бар адам.
Пайғамбарымыз Мухаммед ананы құрмет санаған
Анаға мәңгі борыштар елдегі барлық дана адам
Ақ сүтін беріп өсірген, бұзық болсам кешірген
Тілін алсам-айналған, күнам болса өшірген
Ақ анашым!Анашым!саған тәнті бала шын!
Мөлдір, кәусар бұлақсың, мен сүрінсем –жылапсың!
Шыңға шықсам қуанып, мен құласам құлапсың.
Ақ анашым!Анашым!сендей бар ма жанашыр!

Жүргізуші:
Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі
Бишілер өнерлерін көрсетуде,- алдарыңызда _________________________________орындауындағы биді тамашалаңыздар.
Би:______________________________ .