. Ш.Қ.О. Ұлан ауданы Бозанбай ауылы
«Бозанбай орта мектебі»
Бастауыш сынып мұғалімі: Алимбаева А.И.
(тәрбие сағаты)
Тәуелсіздікті жырлаймыз

Мақсаты: Тәуелсіздік ұғымын түсіндіру. Әр елдің, әр адамның адамгершілік, достық, ынтымақ-бірлік бейбіт өмір, жарасымды бірлік иесі екендігін жас ұрпақтың санасына жеткізу.
Еліміздің тәуелсіздігі үшін күрескен және сол мақсаттарына жету барысында өздерінің елі, халқы үшін өмірін, жастығын қиған аға ұрпақтың ерлік істерін үлгі тұта отырып, оқушыларға елжандылық тәрбие беру.
Көрнекілігі:
Н.Ә.Назарбаевтың суреті, еліміздің рәміздері, қанатты сөздер.
Сабақтың барысы
1 жүргізуші: Армысыңдар, Отандастар!
Қайырлы күн, құрметті ата-аналар, ұстаздар, оқушылар!

2 жүргізуші: 16 желтоқсан Қазақстан Республикасының тәуелсіздік мерекесі құтты болсын!
1-жүргізуші: Еліміздің егемендік алуы, халқымыздың тарихында жаңа дәуірдің бетін ашты. Ол баршамыздың бейбіт өмірде, еркіндікті аңсаған ақ ниет, ақ тілеумен өзіміз тіккен ортақ шаңырағымыздың тәуелсіздігі.
1-оқушы: Тәуелсіздік ата-бабам аңсаған,
Жете алмай құрбан болды қанша адам.
2-оқушы: Махамбеттер, кешегі өткен Қайраттар,
Әр кезекте сен деп ерлік жасаған.
3-оқушы: Құтты болсын тәуелсіздік мейрамы,
Ол әркімге еркін өмір сыйлада.
4-оқушы: Тәуелсіздік 11 әріп құраған,
Сан ғасырлар бар қазаққа бол арман.
5-оқушы: Тәуелсіздік – қасиетті ұғым бұл,
Ей, келешек жан-тәніңмен ұғып біл.
11 әріп не мағына береді,
Ал талдайын, жеткенінше, қызыл тіл.
6-оқушы: Т әріпі білдіреді теңдікті.
7-оқушы: Ә әріпі әдептілік,әлдікті.
8-оқушы: У әріпі уайымсыз уақытты.
9-оқушы: Е әріпі егемендік, елдікті.
10-оқушы: Л әріпі дейді лағып лепірме.
11-оқушы: С әріпі сенімділік секілді ең.
12-оқушы: І әріпі ілтипат пенізет қой.
13-оқушы: З әріпі зиялылық тілек қой.
14-оқушы: Д әріпі шақырады достыққа.
15-оқушы: І әріпі іркілмей тек шындықты.
16-оқушы: К әріпі дейді күн бол көктегі,
Көз алартпа, көршілерге қол сұқпа.
1-жүргізуші: Иә, Тәуелсіздік дегенді қалай түсінеміз?
17-оқушы: Өзалдына дербес, еркін мемлекет, яғни ешкімге тәуелді болмай, әшкі, сыртқы саяси мәселелерді өзі шеше алатын мүмкіндігі бар елді Тәуелсіз мемлекет деп айтамыз.
2-жүргізуші: Тәуелсіз мемлекет атануымызға кімдердің еңбегі сіңді?
18-оқушы: Қайрат Рысқұлбеков, Ербол Сыпатаев, Ләззат Асанова, Сабира Мұхаметжанова сияқты азаматтардың еңбегі сіңді.
1-жүргізуші: Иә, осындай апа-ағаларымыздың арқасында Тәуелсіз мемлекет болдық, ендеше бір сәт еске алып, бір минут үнсіздік жариялайы
Тәуелсіздік деген не? (7)
Әрсен Нашақор деп, ұлтшыл деп,
Қазаққа күйе жаққан күн.
Базары кетіп бір күнде,
Қайғыға халық батқан күн.
Ақмарал Әділдік пен шындықты,
Өтрік жала еткен күн.
Надан жасаған шындықтан,
Адамдар азап шеккен күн.
2-жүргізуші: Міне, осыдан бері 25 жыл өтті. Аяулы ер азаматтарымыз Ләззат, Ербол, Сабира, Жамбыл, Ертай, т.б. аға-апаларымыз толық ақталды.
1-жүргізуші: Бұл ереуіл Қазақстанның егемендігіне ғана жол салып қойған жоқ , дүние жүзіндегі саясаттың өзгеруіне ықпал етті.
Арман орындалды.
Еліміздің көк байрағы Астанамызда желбіреп тұр. Өз елтаңбамыз, өз әнұранымыз бар.
2-жүргізуші: Мен – қазақпын, биікпін, байтақ елмін!
Қайта тудым, өмірге қайта келдім!
Мен, мыңда бір тірілдім, мәңгі өлмеске,

Ш.Қ.О. Ұлан ауданы Бозанбай ауылы
«Бозанбай орта мектебі»КММ
Бастауыш сынып мұғалімі: Алимбаева А.И.
(тәрбие сағаты)
Наурыз шапағаты
Мақсаты: Наурыз мейрамы туралы түсінік беру арқылы қазақ халқын салт - дәстүрін,
дінін, ұлттық дүниетанымын, ұлттық киімін,тамағын, ұлттық ойындарын
насихаттап көрсету.
Тілге, дінге ұлттық сезімдерін ояту, қазақ халқының салт - дәстүрін бағалап,
Ұлыстың ұлы күнін мақтанышпен қарсы алып, құрметтей білуге тәрбиелеу.
Көрнекілігі: Нақыл сөздер жазылған плакаттар, Наурыз 2012 газеті, ұлттық киімдер,
ұлттық ойындар, ұлттық тағамдар, түрлі суреттер.
Сабақтың барысы
1-жүргізуші: Наурыз - көктем мерекесі
Наурыз – жыл басы.
Наурыз – жаңа серпін, жаңа леп!
2-жүргізуші: Наурыз –қуаныш мерекесі.
Бақыт пен шаттық мерекесі.
1-жүргізуші: Наурыз – шаруаның мерекесі.
Наурыз – еңбек мерекесі.
2-жүргізуші: Армысыңдар, халайық!
Бармысыңдар, халайық!
Наурыз тойын жұп жазбай,
Жылда қарсы алайық.
1-жүргізуші: Наурыз тойы басталды,
Бәрің бері қараңдар!
Салт - дәстүрін халқымның,
Біле мекен халқымыз.

2-жүргізуші: Ата-аналар сіздерге салт - дәстүрге байланысты сұрақтар қоямыз.
1-жүргізуші: Киіз үйдің сүйегін және киіз үйдің жихаздарын атаңыздар?
Ж-ы: Киіз үйдің сүйегі: шаңырақ,уық, кереге, сықырлауық.
Киіз үйдің жихаздары: абажа,абдыра,ағаш төсек,адалбақан,
асадал, бөгіре,жағылан, жүкаяқ, кебеже, сандық.
2-жүргізуші: Ұлттық киімдерді атаңыз.
Ж-ы: Бешпет,камзол,күпі, шапан, ішік,бөрік, тақия,сәукеле, кебіс.мәсі.
1-жүргізуші: Еттен табақ тарту дәстүрі:( жасалатын табақ түрлері:)
Ж-ы: Бас табақ ,сый табақ, орта табақ, аяқ табақ, күйеу табақ, келін табақ,
қыздар табағы, құдағилар табағы, жерік асының табағы.
2-жүргізуші: Жыл аттарын айтып беріңіз.
Ж-ы: Тышқан, сиыр, барыс, қоян, ұлу, жылан, жылқы, қой, мешін, тауық,
ит, доңыз
1-жүргізуші: Халқымыздың ежелден келе жатқан төл өнері бүгінгі ұрпақ бойында өз
жалғасын табуда. Ата дәстүрін жалғастыруды өз дәстүрім деп есептеген
жас айтыскерлер Ақерке мен Шуақты қошеметпен қарсы алайық.
1-айтыскер: Айтыс айтыс болады, Наурыз тойын өыздырып
Өлең айтса жөнімен. Кім айтысар менімен?
2-айтыскер: Біздің Ханшайым шиқылдап,
Ұқсайды екен шөжеге.
Шөлдеп қапты шөжелер,
Шөлдегенге көже бер.
1-айтыскер: Шуылдаған қозыдай,
Ойнайтұғын Шуақ-ай
Көже көрсе тауыспай,
Қоймайтұғын Шуақ-ай
2-айтыскер: Қадай алмай түймеңді,
Жылауыңды қойдың ба?
Сабағыңды апаңнан, Сұрауыңды қойдың ба?
1-айтыскер: Сүрінгенді мазақтап,
Жөнің жоқ қой күлетін.
Сен дейсің бе саусағыңның,
Санын білмей жүретін.
Екеуі: Жылдың басы – Наурыз,
Жылдың басы – Наурыз,
Наурызға жыр арнап,
Айтысармыз әлі біз.
1-жүргізуші: Армысың, мейірім мен шуақтың бастауы!
(Наурыз кіреді)
2-жүргізуші: Қош келдің, көрікті көктем айы Наурыз!
Біз өзіңді, думаніңды,шаттығыңды,
Жұпардай жұпар иісіңді,
Нөсерлі ақ жауыныңды сағындық.
Наурыз: Сәлеметсіздер ме, халайық!
Тойларыңыз тойға ұлассын!Мейрамдарыңызға бір әдемі өлең оқып берейін
және балалардың өнерін көрейін деп келдім.
- Балалар мен сендерге бірнеше тапсырма ала келдім. Кәне соны шешіп
көрейік.
-Не тәтті? Ананың сүті
-Не жұмсақ? Ананың қолы
-Не жетім? Жаңбыр жаумаса-жер жетім.
Басшысы болмаса-ел жетім.
Тыңдаушысы болмаса-сөз жетім
-Қандай ырым-тыйым сөздер білесіңдер?
1-жүргізуші: Жеті ата дегеніміз кім? Жеті атаңды ата.
Ж-ы: Әке, бала, немере, шөбере, шөпшек, немене, туажат.

2-жүргізуші: Сүттен, еттен, ұннан жасалатын тағамдарды ата.
Ж-ы: Сүттен жасалатын тағамдар:Айран, қымыз, шұбат, құрт, ірімшік,
май, кілегей, сүзбе т.б.
Еттен жасалатын тағамдар: Жал-жая, қазы-қарта, қуырдақ, мипалау,
сырбаз,шұжық, қарынбөрте, нарын, тұрамыш т.б.
Ұннан жасалатын тағамдар: Бауырсақ,шелпек, нан, жайма,быламық,
қаттама, бөкпен т.б.
1-жүргізуші: Малды жаятын, бағатын адамды кім деп атайды? Пірлеліната.
Малды қалай шақырады?
(2-сынып оқушылары жауап береді)
2-жүргізуші: Ұлттық ойындарды ата.
(2-сынып оқушылары жауап береді)
1-жүргізуші: Наурыз туралы ұғымдарға тоқталып өтелік.
Наурызнама, Наурыз көже, Наурыз бата, Наурыз жұмбақ , Наурызша
(3-сынып оқушылары жауап береді)
Наурыз тілек, Наурыз есім, Наурыз шешек, Наурыз төл, Наурызек
(2-сынып оқушылары жауап береді)
2-жүргізуші: Сіздерге деген балалардың ән-жырлары, тақпақтары бар екен, соны
тамашалайық.
Тақпақтар: (2-сынып оқушылары )
(3-сынып оқушылары )
1-жүргізуші: Кел жиналған халайық,
Наурыз әнге салайық.
Бекер тұрмай бір жерде,
Мың бұралған қыздардың,
Қазақ биін тамашалайық!
Қазақ биін 3-сынып
2-жүргізуші: Шуақтың орындауында күй« Балбырауын» (3-сынып)
Ерасылдың орындауында ән « Еркем - ай» (3-сынып)
1-жүргізуші: Келесі кезекті әнге берейік.
Ән: Атамекен (3-сынып оқушысы Құралай )
Ән: Атамекен (3-сынып оқушысы Арғын)
Ән:Туған жер (3-сынып оқушысы Ақылбек)
2-жүргізуші: Бәйшешектер қар астынан табылған,
Бар халықты қуантатын бұл қай кез?

Наурыз
1-жүргізуші: Келер күнге бір үмітті табынтып,
Бар халықты қуантатын бұл қай кез?
Наурыз
2-жүргізуші: Шашу! Шашу!
Көп шашайық шашуды.
Уа, жамағат! Теріп ал несібеңді.
Ризығың болсын көл – көсір!
1-жүргізуші: Қашанда құт – береке орнасын деп,
Тойларда шашу шашу салты елімнің.
Уа, халайық! Теріп ал несібеңді.
Қабыл болсын, жамағат, ақ тілегің!
2-жүргізуші: Халқымыздың мифологиялық түсінігі бойынша Наурыздың 21-күні
даланы Қызыр ата аралайды. Жақсылықтың жаршысы, жаңа түскен күн
нұрының рәмізі-Қызыр ата бата береді екен. Ендеше қол жайып, бата
тілейік.
Бата
Кең пейілді қазақ елім!
Кемелденген ғажап елім!
Ұлыс күні құтты болсын!
Ел іргесі мықты болсын!
Бақыт әкеп ұлыс күні,
Баянды боп тыныштығы,
Әнші құстар баққа қонсын!
Алтын табақ аққа толсын!
Жаңа күнім жадырасын!
Төл көбейіп, маңырасын!
Бағы жанып кәрі-жастың,
Басынан бақ арылмасын!
Орындалып ойларыңыз,
Тойға ұлассын тойларыңыз!
Әумин!
1-жүргізуші: Осымен Наурыз тойына арналған «Наурыз шапағаты» атты әдеби-сазды
кешіміз аяқталды.Көңіл қойып тыңдағандарыңызға рахмет!
Екеуі бірге: Наурыз тойы құтты болсын халайық!
Мұғалім: Сіздерді Ұлыстың ұлы күні «Наурыз тойымен»құттықтаймын.
Әр күндеріңіз көктемнің жайма шуақ күндеріндей нұрлы, жылы болсын!
Дендеріңізге саулық, дүниелеріңізге байлық, отбастарыңызға бақыт пен
қуаныш тілеймін. .