. Оңтүстік Қазақстан облысы
Ордабасы ауданы
Қажымұқан атындағы жалпы орта мектебі
Коммуналдық мемлекеттік мекемесі

Ашық сабақ
«Астың ауыз қуысында қорытылуы»

Дайындаған
Аты-жөні: Серимбетова Карлыгаш Сейдыхановна
Қызметі: Биология пәні мұғалімі

Күні/айы: Пән: Биология Сынып: 8
Сабақтың тақырыбы: Астың ауыз қуысында қорытылуы. №13 зертханалық жұмыс.
Қайнатылған крахмалға сілекейдің әсері.
Жалпы мақсаты:

Астың ауыз қуысында қорытылуы бойынша теориялық түсінікті меңгеру және алған білімді өмірде пайдалана білу.
Күтілетін нәтиже:
Алған білімдерін, яғни теорияны өз түсінігі бойынша мысалдармен дәлелдеп жеткізе алады. Оқыған материалдың өмірдегі құндылығын бағалай біледі.
Ресурстар: Интерактивті тақта, плакат, макет, крахмал, мақталы таяқша, йод, петрии табақшасы
Негізгі идеялар: Сабақта критерий арқылы бағалауды қолдану
Сілтеме: Биология 8 сынып. Авторы: Әлімқұлова Р. Атамұра 2012
Қолданылған модульдер: Диалогтық оқыту, сыни тұрғыдан ойлау, АКТ қолдану, Оқыту үшін бағалау
Тапсырмалар: Жеке жұмыс: Графикалық диктант Топтық жұмыс:
Тақырып мағынасын ашу Жеке жұмыс: Кесте толтыру
( сәйкестігін анықтау)

Сабақ бойынша мұғалімнің жазбалары: (мұғалім және оқушы немен айналысады)
І. Сынып оқушыларының назарын сабаққа аудару, топқа бөлу (түрлі-түсті қағаздар арқылы) (2-3 минут)
Топ 5 рөлді: лидер, баяндамашы, хатшы, уақыт сақшысы және бақылаушыны анықтайды.
Оқушыларға жұмыс парағы мен бағалау критерийлері таратылады.
II. Өткен материалды пысықтау:
Графикалық диктант (5 минут). Иә
Жоқ
1. Асқорыту жүйесі: асқорыту мүшелері мен асқорыту бездерінен тұрады
2. Адамда асқорыту жолының ұзындығы 5-6м.
3. Асқорыту жолының қабырғасы 3 қабаттан тұрады.
4. Жұмсақ таңдайдың артқы жағы бөбешік түрінде болады.
5. Тіл қозғалмайтын мүше.
6. Жұтқыншақ ұзындығы 11-13см бұлшықетті мүше.
7. Өңеш асқазанға ашылатын шеміршекті мүше.
8. Аш ішек (ащы)- асқорыту жолының ең қысқа бөлігі.
9. Тоқ ішек қабырғасында бүрлер болмайды.
10. Ұйқы безі асқорыту мүшесіне жатпайды.
11. Тістер тамақты тістеп, шайнау қызметін атқарады.
12. Бауыр- ең үлкен без.
Жауабы:
1 2 3 4 5 6 7 8 9 10 11 12


Шкала: «5»- 11-12 ұпай
«4»- 9-10 ұпай
«3»- 7-8 ұпай
«2»- 6- одан кем ұпай
Оқушылар тапсырманы өздері тексеріп, бағалау шкаласы бойынша өзін-өзі бағалайды

III. Жаңа сабақты меңгерту.
Сабақтың мақсатын оқушылар өздері айқындайды.
Топпен жұмыс: (талқылау- 10 минут. қорғау- 3 минут)
І топ – тістің құрылысы (түрлерін, құрылысын сипаттау)
ІІ топ –сілекей бездері (түрлерін, құрамын, маңызын сипаттау)
ІІІ топ –сілекей ферменттерінің крахмалға әсерін зерттеу
IV топ –тіс гигиенасы (ауруларын, гигиеналық талаптарды сипаттау)
Оқушылар топтық жұмысқа қатысуын бағалау критерийі бойынша өзін-өзі бағалайды

ІV. Бекіту.
Кесте толтыру (сәйкестігін анықтау) (5 минут.)
1. Тіл А. Шықшыт, тіл асты, жақ асты
2. Ерін Ә. Қозғалмалы бұлшық етті мүше
3. Сілекей бездері Б. Астын ыстық-суығын тез сезеді
4. Эмаль В. Тіс ұяшықтарына цемент арқылы бекиді
5. Тіс мойны Г. Тіс сауытының жылтыр кіреукесі
6. Дентин Д. Сілекей нәруызы
7. Тісжегі Е. Орталығы сопақша мида орналасқан
8. Жақ асты безі З. Дисахаридтерді глюкозаға дейін ыдыратады
9. Муцин И. Қоректік заттардың ас қорыту жүйесінде механикалық және химиялық өзгеріске ұшырауы
10. Жұтудың К. Сүйекке ұқсас тығыз зат
11. Мальтаза Л. Микробтардың әсерінен дентиннің бұзылуы
12. Лизоцим М. Өзектері тіл астына ашылады
13. Амилаза Н. Сілекей құрамында зиянсыздандыратын қасиеті бар нәруыз
14. Сілекей О. Тұтқыр, түссіз сұйықтық
15. Ас қорыту П. Крахмалды мальтозаға дейін ыдыратады

Жауабы:
1 2 3 4 5 6 7 8 9 10 11 12 13 14 15
Ә Б А Г В К Л М Д Е З Н П О И
Шкала: «5»- 13-15ұпай
«4»- 11-12 ұпай
«3»- 9-10 ұпай
«2»- 8- одан кем ұпай
Оқушылар тапсырманы өздері тексеріп, бағалау шкаласы бойынша өзін-өзі бағалайды
Сабақты қорыту: тістің бүтіндігін сақтау үлгісін жапон халқының қазіргі кездегі игілікті істерінен айқын көруге болады. Соңғы жылдары Жапонияда «тістің саулығы- ұлттың саулығы» деген ұзақ мерзімді «8020» атты шара қолға алынды. Бұл шара әрбір жапондыққа жақсы таныс. Оның мәні 80 жасқа дейін әр адамда 20 бүтін тіс болуы шарт: ол үшін алдымен тіс щеткасын таңдай білуге ерекше мән береді. Тісті және ауыз қуысын мұқият тазалау - ұзақ өмір сүрудің басты кепілі. Олай болса бұл салада да өзге халықтардың да өнегелі істерінен үлгі алудың ешбір сөгеттігі бола қоймас деп сабағымызды аяқтаймыз.

V.Өткен сабақ бойынша барлық оқушылар рефлексия қағазын толтырады: VІ.Бағалау
1. Сабақты қорытындылау, өзін-өзі бағалау.
2) Әр топ бағалау қағазы бойынша қорытынды шығарады.
VІІ.Үй тапсырмасы: 1.Бір тіс пастасын жарнамалау
2. Тақырып бойынша өлең шығару
3. «Тіс пен сілекейдің асқорытудағы маңызы» тақырыбында эссе жазу.
Берілген тапсырмалардың біреуін таңдауы бойынша орындау .