. Ашық сабақ
Түлкібас ауданы, Састөбе ауылы
А.С.Макаренко атындағы жалпы орта мектебі
Бастауыш сынып мұғалімі Тулепова Сарсенкул
Сыныбы-2
Пәні: Ана тілі

Тақырыбы: Көктем келді
Сабақтың мақсаты:
Белгілі балалар ақыны М.Әлімбаевтың өлеңін түсініп, мәнерлеп оқуға баулу. Көктем айларын атау, көктемгі еңбек, көктем белгілерін әңгімелеп, түсіндіру. Өлеңдерді салыстыруға үйрету. Көктем тақырыбына өлең құрастырта отырып, шығармашылыққа баулу. Оқушылардың ойлау қабілетін дамыту, сөздік қорын молайту.
Сабақтың түрі: аралас сабақ.
Сабақтың әдіс-тәсілі: сұрақ-жауап.
Сабақтың көрнекілігі: көктем мезгілі суреттері, оқушылар салған суреттер, автор портреті, мақал-мәтел, жұмбақ, тақпақ, тест.
Сабақтың барысы: І Ұйымдастыру кезеңі
1. Үйге қандай тапсырма берілді?
 «Атай» мәнерлеп оқу, сұраққа жауап беру.
2. Оқушыларға өлеңді оқыту.
 Көктемгі еңбек түрлерін ата.
3. Жаңа сабақ «Көктем келді»
 Сабақтың мақсатын хабарлау.
 Балалар қазір жылдың қай мезгілі?
 «Көктем»
4. Айларын атаңдар.
5. Көктем туралы қандай тақпақтар білесіңдер?
Алақай-ау, балақай,
Қандай жақсы көктемгі ай
Гүлге оранды кең дала?
Келді ауылға көп торғай.

Көктем, көктем, көктемде,
Құстар келіп жеткенде.
Күн шуағын төккенде,
Біз қуанып қаламыз.

Күлім, күлім қағамыз,
Әнмен қарсы аламыз.
Ойнап асыр саламыз.

1. М.Жаманбалиновтың «Көктем келді» өлеңін оқып, талдау.
 Өлеңге ат қою.
 Өлеңге сай қимыл-қозғалыс жасату.
2. М.Әлімбаев туралы мағлұмат беру.
 «Көктем келді» өлеңді мәнерлеп оқи отырып, мазмұнын әңгімелеп, түсіндіру.
3. Көктемнің белгілерін атау.
(күн күркіреу, мұз, қар еру, жер қарайады, жаңбыр жауады, жер көгере бастайды, күн жылынады).
4. Екі өлеңді салыстыру.

М.Жаманбалинов Көктем келді Ұқсастығы М.Әлімбаев
Көктем келді
Шелектеп Күркіреді, жаңбыр жауды Сіркіреп

Сергіту минуты
Жер мен аспан көкпеңбек,
Айналамыз жайнайды.
Көктем, көктем, көктем – деп
Құс біткендер сайрайды.

5. Оқулықпен жұмыс.
 Өлеңді тұтас хормен оқыту.
 Қатарға бөліп оқыту.
 Жеке оқушыларға дауыстап оқыту.
6. Көктем туралы қандай тақпақтар білесіңдер?

1. Көктем, көктем, көктемде,
Құстар келіп жеткенде
Қуанып бір қаламыз
Әнмен қарсы аламыз.
2. Қар еріді су ақты,
Күндер туды шуақты
Байтақ дала келбеті
Түкті кілем сияқты.
Көкте бояп өкірді
Көктем келді көңілді
Бау-бақшада, орманда,
Құстар әні төгілді.
3. Жаңбыр жауды себелеп
Жасырынды көбелек
Аспан кетті күркіреп,
Бұл не деген керемет.

Жаңбыр-жаңюыр жауа бер,
Сенен бақша, бау өнер.
Жаудырсын туған жер
Күміс моншақ, тама бер.
4. Сансыз көкек сұңқылдап
Көктем келді ертелеп.
Нәзік үнмен сыңқылдап
Бұйра бұлаң еркелеп.
Көкте бұлттар күркіреп,
Жерге төкті өрмегін.

7. Суреттерге қарап әңгіме құрастыру.

Ой қозғау «Көктем»
 Күн жылынып, адамдар жеңіл киіне бастады, ауыл маңын жасылдандыру жұмысы басталды. Мал төлдеп, өріске шықты. Көктем көңілді. Маған көктем мезгілі ұнайды.

8. Қорыту: сабағымызды пысықтайық.
Бүгінгі сабақта өлең оқыдық, екі өлеңді салыстырдық, тақпақ айттық, келді көктем мезгіліне тән белгілерді айттық.

9. Көктем, еңбек туралы мақал-мәтел айттық.
10. Тест: 1. Көктемдегі алғашқы гүлді ата.
а/ роза б/ бәйшешек в/ райхан
2. Қырға кілем жайылды.
а/ ағаш б/ қызғалдақ в/ қозы-лақ
11. Оқушыларды бағалау.
12. Үйге тапсырма: өлеңді мәнерлеп оқу, өлеңді жаттау. .