. Тақырыбы: Менің Отаным - Қазақстан
Мақсаты:
Білімділік: Балаларды Отанды сүюге, еліміздің рәміздерін қастерлеуге үйрету, туған жеріне деген сүйіспеншіліктерін арттыру.
Дамытушылық: Байланыстыра дұрыс сөйлеулерін дамыту,сөздік қорларын молайту.Көріп-есту арқылы берілген сөздік материалды қабылдай білу.
Түзетушілік: Дыбыстарын қадағалап, түзету.
Тәрбиелік: Отанын, туған өлкесін, Қазақстан Республикасының рәміздерін құрметтеуге тәрбиелеу.
Көрнекіліктер:Суреттер, рәміздер,көрсеткіштер, карта.
Сабақтың барысы:
I.Ұйымдастыру кезеңі. .
Мұғалім: - Сәлемдесіңдер!
Оқушылар: - Саламатсыздар ма?!
( мемлекеттік ән ұран орындалады)
Мұғалім: -Отырыңдар
Балалар сендер қандай ән тыңдадыңдар?
Оқушылар:-Қазақстан Республикасының әнұраны.
Мұғалім:-Дұрыс

1. Тіл жаттығуы.
Мұғалім: Біз дұрыс сөйлейміз.
Арайлы таң атты,
Алтын сәуле таратты.
Жарқырайды күніміз,
Жарқырайды даламыз.
Мұғалім: Біз не істедік?
Оқушы: Біз сөйледік.
2. Сұрақтарға жауап беру.
Мұғалім: -....., ...... сұра, қазір қандай сабақ болады?
Оқушы: - ...... қазір қандай сабақ болады?
Оқушы: -Қазір айналамен танысу сабағы болады.
Мұғалім: -Бұл нешінші сабақ?
Оқушы: - Бұл үшінші сабақ.
Мұғалім: - Бүгінгі сабақтың тақырыбы «Менің Отаным -
Қазақстан».
3. Сабақтың жоспарымен таныстыру
Жоспар:
1. Мемлекттік рәміздермен танысу
2. Өлең оқу
3. Сұрақтарға жауап беру
4. Картамен жұмыс
5. Мақал- мәтел оқу
6. Тапсырманы орындау.
II. Негізгі бөлім
1.Мемлекеттік рәміздермен танысу
Мұғалім:-Мемлекеттік рәміздерге не жатады?
Оқушы:-Мемлекеттік рәміздерге ту, елтаңба, әнұран жатады.
Мұғалім: -Кім туды сипаттап береді?
Оқушы: -Мынау біздің туымыз.Тудың түсі аспан
түстес. Ортасында күн, астында бүркіт бейнеленген.
Мұғалім: -Кім елтаңбаны сипаттап береді?
Оқушы: -Мынау біздің елтаңба.Елтаңбада шаңырақ,
күн сәулесі, пырақты ат, жұлдыз, Қазақстан – деген
жазу бар.
Мұғалім: -Әнұранның авторы кім?
Оқушы:-Әнұранның авторы Жұмекен Нәжімеденов,
Нұрсұлтан Назарбаев. Әні Шәмші Қалдаяқовтікі.
Мұғалім: -Дұрыс балалар, біз еліміздің рәміздерін
құрметтеп сыйлай білуіміз керек.
- Біз не істедік?
Оқушы: Біз мемлекеттік рәміздермен таныстық.

2. Өлең оқу
Мұғалім: Кім Отан туралы өлең оқиды?
Оқушы:
Отан деген-атамекен,
Отан деген –туған жер.
Отан-ана,
Отан-өлкең,
Қазақстан – туған ел !
Оқушы:
Отан жерім, Отан суым,
Отан қуат, нәр береді.
Отан ұран,Отан туым.
Отан- мәңгі гүлденеді.
Оқушы:
Астана –арман қала,
Бағы бір жанған қала.
Тұрады ол жап-жас болып,
Мен үлкен болғанда да.
Мұғалім:-Жарайсыңдар,өлеңдеріңді тыңдап, бәріміз
қуанып қалдық.
Отан- адамның туып өскен жері, туған туыстарымен
бірге тұратын атамекен.
-Біз не істедік?
Оқушы: - Өлең оқыдық
3. Сұрақтарға жауап береміз.
- Біз қандай республикада тұрамыз?
- Біз Қазақстан Республикасында тұрамыз.
- Қандай әуенді қолымызды жүрегімізге қойып айтамыз?
- Әнұранды қолымызды жүрегімізге қойып, айтамыз.
- Пырақты ат, шанырақ бейнеленген символ қалай аталады?
- Пырақты ат, шанырақ бейнеленген символ – ол елтаңба.
- Көк түсті, күн мен бүркіт бейнеленген символ қалай аталады?
- Көк түсті, күн мен бүркіт бейнеленген символ – ол
еліміздің туы.
- Қазақстан Республикасының елбасы кім?
- Қазақстан Республикасының елбасы Нұрсұлтан Назарбаев.
- Біздің облысымыз қалай аталады?
- Оңтүстік Қазақстан облысы.
- Біз қай қалада тұрамыз?
- Біз Шымкент қаласында тұрамыз.
Мұғалім: -Жақсы, балалар өздеріннің білімдеріңді көрсеттіңдер.
Біз не істедік?
Оқушы: Біз сұрақтарға жауап бердік.
Сергіту сәті:
Көтеріліп шаңырақ,
Уықтары шаншылар.
Керегелері керіліп,
Өрімдей болып өрілер.
Бәріміз жүрсек айналып,
Киіз үй болып көрінер.
4. Картамен жұмыс
Мұғалім: - Қазақстан Республикасының қалаларын
картадан көрсетейік.
Оқушы:
Алматы- жері жайсаң қала.
Атырау - мол Қазақстанның мұнайы.
Ақтөбе- ақ тарысы мол ырысы.
Тараз-жайлау, қазыналы.
Көкшетаудың көп көгілдір аймағы.
Қарағанды- қара алтынның қоймасы.
Қостанай- қызыл бидай қамбасы.
Қызылорда- күрішті даласы.
Талдықорған – жер жанаты.
Шымкент – ыстық өлкем мақталы.
Астана- елімнің бас қаласы.
Мұғалім: -Біз не істедік?
Оқушы: -Картамен жұмыс жасадық.
5. Мақал-мәтелдермен жұмыс
Мұғалім: -Отан туралы мақал-мәтелдерді толықтырып, оқимыз.
Отан- ......( отбасынан басталады)
Отан- ......( оттан да ыстық)
Туған жердің ........(топырағы ем)
Туған жердей ....... (жер болмас)
Туған елдей ....... (ел болмас)
Мұғалім: -Біз не істедік?
Оқушы: -Біз мақал – мәтелді толықтырдық, оқыдық.
6. Тапсырманы орындау.
Мұғалім: -Көгершін бейбітшіліктің белгісі.Отанымызға деген тілектерімізді осы көгершін арқылы жазып жіберейік.
(Оқушылар өз тілектерін үлестірмелі «көгершін» қағазға жазады)
І І І. Қорытынды
Мұғалім:- Балалар өз Отанымыз – Қазақстан туралы білімдерінді
көрсеттіндер. Отанымызды сүйіп, қорғауға, құрметтеуге ант
берейік.
Оқушылар: -Ант береміз!!!
Мұғалім: -Бүгін сабақта не істедік?
Оқушы: -Біз сөйледік
-Сұрақтарға жауап бердік
- Мемлекеттік рәміздермен таныстық
- Өлең оқыдық
- Картамен жұмыс жасадық
- Тапсырманы орындадық
Бағалау.

.
Мұғалім: 2-ші суретте кімдер бейнеленген?
Оқушы: -Суретте: әже мен бала, қызы мен анасы бейнеленген.

Мұғалім: Олардың іс – әрекеті қандай?
Оқушы: Үлкенді құрметтемеу, үлкенді тыңдамау.
Мұғалім: 3-ші суретте кімдер бейнеленген?
Оқушы: Суретте: әже, бала және қыз бейнеленген.
Мұғалім: Олардың іс – әрекеті қандай?
Оқушы: Үлкендерге көмектесіп, рахметін алуда.
Мұғалім: Біз не істедік?
Оқушы: Біз сурет бойынша әңгімеледік
VI. Өлең оқу.
Мұғалім: -Балалар кім әдептілік туралы өлең оқығысы келеді?
Оқушы: -Дана апай, менің өлең оқығым келеді.
Атам маған қашан да,
Кішіпейіл бол деген.
Ата сөзі санамда,
Мақтанбауды жөн көрем.
Мұғалім: -Дұрыс, тағы кім өлең оқығысы келеді?
Оқушы: -Мен.
Кім үлкенді сыйласа,
Кім үлкенді тыңдаса,
Үлкен болған кезінде
Сыйлы болмақ өзі де.

Мұғалім: -Дұрыс, тағы кім өлең оқығысы келеді?
Оқушы: -Мен.
Сыйлап сәлем беремін,
Көршілерді көргенде.
Ізетпен бас иемін,
Үйге қонақ келгенде.
Мұғалім: -Дұрыс,енді біз осы өлеңдерді бірге оқимыз.
(Балалар хормен өлең оқиды.)

Мұғалім: -Біз не істедік?
Оқушы: -Біз өлең оқыдық.

VIІ. Мақал – мәтел оқу.
Мұғалім: (Біз мақалды дұрыс оқысақ түйеге құдық басына баруға көмектесеміз)
1.Берекеден мереке кетпес.
2.Бірлік бар жерде тірлік бар.
3.Көп жүрген жер көңілді,
Көп еңбегі өнімді.
4.Әдептілік белгісі –
Иіліп сәлем бергені.

Мұғалім: Біз не істедік?
Оқушы: Біз мақал – мәтел оқыдық.

VIII. Ойын.
Мұғалім: Біз ойнаймыз
Мұғалім: (Балалар бізге қонаққа әжеміз келіп отыр. Біз бәріміз бірігіп, әжемізге көмек көрсетейік. Ол үшін тез арада бізге үй құрастыру керек.)
Оқушылар:
Іргетасын қаладым
Қабырғасын көтердім
Шатырын жаптым
Мұржасын орнаттым
Мен үйдің Баспалдағын қойдым
Есігін қойдым
Терезесін салдым
Шарбағын қоршадым
Ағашын отырғыздым
Гүлін ектім.
Мұғалім: Жарайсыңдар балалар, сендер әжемізге жаксы көмек көрсеттіңдер.
Әже: Рахмет балалар! Мен бұл жай үй емес «Достық үйі, Шаттық үйі, Бірлік үйі». Жарайсыңдар рахмет!!!

Мұғалім: Біз не істедік?
Оқушы: Біз ойнадық.

IX. Портфолиомен танысу.
Мұғалім: Кім өзінің портфолиосын таныстырғысы келеді?
Оқушы: Мен. ( өзінің отбасымен таныстырады )
Мұғалім: Тағы кім таныстырғысы келеді?
Оқушы: Мен. ( өзінің достарымен таныстырады )
Мұғалім: Біз не істедік?
Оқушы: Біз портфолиомен таныстық.

X. Үлес қағазбен жұмыс жасаймыз.
Мұғалім: Үлес қағазды ашыңдар.
Мұғалім: Берілген тапсырманы орындаңдар. ( балалар берілген тапсырманы орындайды. )
Мұғалім: Біз не істедік?
Оқушы: Біз үлес қағазбен жұмыс жасадық.

XI. Ой түю.
Мұғалім: ( Балалар әдептілік жайында ойымызды түйіндеп, қорытындылаймыз. ) .