. Отан
Отан деген- кең дала,
Отан деген- Жер-ана.
Туып-өскен жеріміз,
Орман,таулар,көліміз.

Әже
Әжем менің күндей боп,
Нұрын төгіп жүреді.
Әр кеш сайын қызықты
Ертегі айтып береді.

Нұрмұхан Амангүл
2-сынып оқушысы

Көктем нұры

Көктем келді нұрланып,
Әсем әнге бөленіп,
Шаттандырып даланы,
Құстардың ғажап әлемі.

Гүл қаптапты даланы
Күн жылуын сепкенде.
Қары еріп даланың,
Сай-салаға құяды.
Сұлу таңы сүйкімді,
Аппақ нұрын төгеді.

Күннің көзі жарқырап,
Шуағында маужырап,
Ұйықтап жатыр қозы-лақ,
Қызыққа ешбір тоймайды.

Ауылдың барлық баласы,
Сайран салып ойнайды.
Көк нұрында қалықтап,
Аққулар жүр шалықтап.

Амангелді Нұрдәулет
2-сынып оқушысы

Мен-елімнің ертеңімін

Мен-елімнің ертеңімін,
Сенім артар халқымның.
Туған жерім-Қазақстан,
Байтақ жерім бұл менің.

Мен-елімнің ертеңімін,
Ержетіп мен келемін.
Елбасым бар-Нұрсұлтан.
Адал басшым ол менің

Мұратұлы Мирас
2-сынып оқушысы

Өтірік өлең
Ақ тауыққа мініп ап,
Қос арыстан айдадым.
Екі пілді ұстап ап,
Матаменен байладым.

Мұратұлы Мирас
2-сынып оқушысы

Махамбет батыр
Елін жаудан сақтаған,
Қазақ жерін қорғаған.
Махамбеттей батыр бар,
Жаудан беті қайтпаған.
Елін жауға бермеу үшін,
Не қиындық көрмеген?
Махамбеттей батыр бар,
Ұрпақ үшін терлеген.

Мұратұлы Мирас
2-сынып оқушысы

Қыс
Аппақ қарға бөленіп барлық аймақ,
Балалар да ойнады жаны жайнап,
Аққалалар жасалып әрбір үйде,
Бір құлпырып кеткендей ауыл-аймақ.

Өмірзақова Ұлжанай
2-сынып оқушысы

Мен- Тәуелсіз ел ұланы

Қалықтап көкте қыраны,
Жарқырап күні тұрады.
Көк аспанда көк туым
Желбіреп мәңгі тұрады.
Мен-Тәуелсіз ел ұланы!

Ұлан-байтақ далам бар,
Астанадай қалам бар.
Нұрсұлтандай данагөй,
Ел басқарған атам бар.
Мен-Тәуелсіз ел ұланы!

Көңілді бөлеп нұр-шаттық,
Достықтың әнін шырқаттық.
Осындай елде тұрудың
Өзі де маған бір бақыт.
Мен-Тәуелсіз ел ұланы!

Нұрмұхан Амангүл
2-сынып оқушысы


Гребенщик орта мектебі

Оқушы шығармашылығы

Жинақтаған: Салықбаева Гүлмира .