. Сабақтың тақырыбы:Тамыр және тамыр жүйесі
Сабақтың мақсаты:
Білімділік: Тамырдың түрлері,оның қызметі,маңызы тамырлар жүйесі туралы түсінік беру
Дамытушылық:оқушылардың ізденімпаздық,шығармашылық қабілеттетін дамыту.
Тәрбиелік:Тірі табиғатқа қамқорлық жасауға,оларды қорғай білуге тәрбиелеу.
Сабақтың көрнекілігі: «Тамырдың түрлері»: «Тамырдың құрылысы» кестелері,өсімдіктің
кеппешөптері ,суреттер,тірек- сызбалар
Сабақтың типі:жаңа сабақ
Сабақтың әдіс тәсілдері: сұрақ, жауап,түсіндіру,салыстыру,топтау.
Сабақтың барысы:
I.Кіріктірілген бөлім:Бағдарлау-мотивациялық кезең
Өсімдік мүшелері екіге бөлінеді. (кестемен жұмыс)


Тамыр- өсімдіктің жер асты мүшесі
Атқаратан қызметі: а) тамыр топырақтан сіңірген суды,онда еріген минералды тұздарды
сабаққа өткізеді
б) өсімдікті топыраққа берік орнықтырады.
в) қөректік заттарды қорға жинайды (сәбіз,қызылша,шалқан,шомыр)
г) көбеюге қатысады.
II.Сараланған бөлім.Операциялық орындаушылық кезең
Оқулықпен жұмыс
Тірек сызбаны пайдаланып тамырдың шығу тегі туралы айту.
1-тапсырма


Өздік жұмыс
2-тапсырма: Бидай мен бақбақ тамыр жүйелерінің құрылысы қандай?
3-тапсырма 28- суретте тамырдың қай бөлігі негізгі тамыр,ал қайсысы қосалқы және жанама тамырлар деп аталады?
4-тапсырма 29- суретте қай тамыр жүйесі көрсетілген?Тамыр жүйесінің қайсысы кіндік тамыр,қайсысы шашақ тамыр деп аталады?Қосжарнақты өсімдіктерге қандай тамыр жүйелері тән; дара жарнақты өсімдіктерге қандай тамыр жүйесі тән.
№ 6- зертханалық жұмыс
«Өскін тамырдың сыртқы құрылысын зерттеу»
III-кезең Кіріктірілген бөлім:Рефлексиялық бағалау кезеңі
тест тапсырмалары:
1.Тамыр жүйесін не құрайды?
А.барлық тамырлар
Ә.жанама
Б.қосалқы
В.негізгі
2.Қосалқы тамыр өсіп шығады?
А.ұрық тамыршасынан
Ә.сабақ пен жапырақтан
Б:негізгі тамырдың жан- жағынан
В.ұрық бүршігінен
3.Қай өсімдікке кіндік тамыр жүйесі тән?
А.асбұршақ
Ә.бидай
Б.пияз
В.сарымсақ
4.Кіндік тамыр жүйесі дегеніміз не?
А.Ұрық тамыршасынан өсіп жетілген өте жақсы білеуленген негізгі тамырмен одан тарайтын кішкене жанама тамырдан тұратын тамыр жүйесі
Ә.негізгі тамыры білінбейтін,жуан өспейтін
Б.сабақтан өсіп шығатын
В.қосалқы тамырлардан тұратын тамыр жүйесі
5.Қандай өсімдікке шашақ тамыр жүйесі тән?
А.асқабақ
Ә.бидай
Б.асбұршақ
В.қауын
Тест жауаптары
1 2 3 4 5
А Ә А А Ә

5-тапсырма Кестемен жұмыс

Кіндік тамыр жүйесі Шашақ тамыр жүйесі




Берілген өсімдік атауларын тамырдың түріне қарай орналастыр.
1 .сәбіз 5.күріш
2.бидай 6.картоп
3 .емен 7.жүгері
4.бамбук 8.пияз
6-тапсырма Сөйлемдерді толтырыңдар
1.Тұқымның ұрық тамыршасынан …. .... дамиды.
2.Негізгі тамырдың жан- жағынан … таралады.
3.Сабақ пен жапырақтан … өсіп шығады.
4.Бір өсімдікте болатын тамырлардың жиынтығы …..
5.Негізгі тамырдың өте жақсы жетілуінен …. пайда болады
6.Негізгі тамыр нашар дамып жанама тамырлардың көп мөлшерде өсуінен …. пайда болады

Деңгейлік тапсырмалар орындау.

А
1.Мүше дегеніміз не? Өсімдіктің мүшелерін атаңдар.
2.Неліктен вегетативті мүшелер дейді.Вегетативті мүшелерді атаңдар?
3.Вегетативті мүшелер өсімдікке не үшін қажет?

Ә
1.Тамырдың қызметін атаңдар.
2.Тамырлар шығу тегіне қарай нешеге бөлінеді,олар қайдан пайда болады.?
3.Негізгі,жанама, қосалқы тамырлардың жиынтығы нені құрайды?Олардың айырмашылығы және қандай өсімдіктерде болады?

Б.
1.Қоректік заттарды қорға жинайтын тамырларды ата, жанама тамырлардың қызметі
2.Тамыр жүйесі дегенді қалай түсінесіңдер?
3 .Шашақ тамыр жүйесі деп неге аталған,шашақ тамырлы өсімдіктер мен кіндік тамырлы өсімдіктерге мысал келтіріңдер.

Үйге тапсырма. .