. . Бақытты жанмын!
Бақытты жанмын, бағым да менің өзгерек,
Мақсатпен ғана арманмен өмір көзделед.
Қуанамдағы шүкірлік тоба етемін,
Сезіну үшін сезімтал сана көз керек...

Бақытты жанмын, тәңірім көптік етпегей,
Қаншама бай боп рухсыз пенде көп кедей.
Бәрі де жетер, бағаласа адам бір-бірін,
Сыйластық-өмір, түсінбестікке өзін жекпегей...

Өмір ғой құнды, әр сәтің қайта келмейді,
Жылы сөз ғана жабыққан жанды емдейді.
Бақыттың бары, жақұттың нары, өзіңде,
Көңілім неге «Сен» дейді???

Денім бір сау боп өмірде мынау жүргенге,
Қуана білдім, бақыттың бәрі бір менде.
Адамдық ар мен атыңды биік ұстасаң,
Бар байлық сенде, бәйгең де, басты жүлдең де!

Бақытқа ғана байланар ізгі қасиет,
Түсінісе алмау ұрпаққа үлкен қасірет!
Жаратқан Алла халқымды аман ете гөр,
Иманын берік, мұратын мәңгі асыл ет!
31.10.2013жыл. .