. . Гүл сезім...
Неге ояндым, неге алаңдай беремін?
Тек өзіңнен жаным тапқан керегін.
Мәңгілікке өлмес менің өлеңім,
Сезім болып қаларыңа сенемін...

Түн тылсыммен сырласқандай күй кештім,
Жараланбай мұндай жаймен үндес кім?
Ойым мені алып кетті өткенге,
Қиялыммен әсем бақта кездестім...

Айлы түннің нұр шуағы төгіліп,
Шыға келген бұлт көрпесі сөгіліп.
Ашық аспан көмкерілген жұлдызға,
Ақ қарымен маржандайын себіліп...

Аяз еді сол бір түні ызғарлы,
Қол ұстассақ суығы да қысқарды.
Шамы жанған саябақта ойлансам,
Мәңгілікке алып сезім бүр жарды...
Уақытпенен көп дүние ұрланар,
Жылдар келер ұлы сезім тыңдалар...
Мәңгілікке қалдыратын өрнегім,
Гүлсезімім жырланар...
28.09.2013жыл. .