. . Көктен келер күй легі...

Дидарыңнан шуақ шашқан шомылдым,
Күн шуақты пейіліңе тоймадым.
Демеушісі жадыраған көңілдің,
Сені күн-түн ойладым...

Табиғаттай көрік берген жаныма,
Сыйы болып қалғандайсың өмірдің.
Сөйлеспесем жүрем сені сағына,
Терезеден телмірдім...

Жауын болып жауа алмадым бірақ та,
Аңсауыммен баққа қарай ұмтылдым.
Тек елесің қалып қойған құрақта,
Қолым жетпей бұлқындым...

Дидарыңнан ерітетін бойымды,
Бір тартылыс тылсым күйге түсірер.
Жалғыз қалсам жаулап алып ойымды,
Өзіңсің ғой түсінер...

Аңсауыма арашашы табылмай,
Табиғатта сыр - сағыныш биледі.
Бір көрінсең жүрек қайтер жарылмай?
Көктен келер күй легі...
30.10.2013жыл. .