. . Мәңгілік сезім алауы
Сен білесің бе?
Таңдарым «Сен»-деп атқанын,
Күндерім күтіп батқанын.
Жұлдыздар жайнап жанымда,
Бақыттан тұрар бақтамын.

Үніңнен есіп үйлесім,
Тілегім болып біргесің.
Сыйластық деген сарайда,
Өмірден алған жүлдесің.

Аман боп жүрсең шаттанам,
Жанымда күлсең бақ табам.
Ешкім де сендей ренжітіп,
Емес-ау демеп, мақтаған.

Өзіңсіз өмір қаңырап,
Шырайлы болмас шаңырақ.
Үндестік тауып өзіңнен,
Жан дүнием кетер жадырап.

Қайсар бол әркез құлама,
Жалғанның өзі сынама.
Көңілден көрік қосамын,
Ешқашан енді жылама.
Мәңгілік жоқ қой тұрағы,
Тәңірдің жалған сынағы.
Алау қып жаққан сезімнің,
Сөнбесін мәңгі шырағы...
23.05.2012жыл. .