. . Өмір...
Бәрі алдыңнан шығады,
Жақсылық бейне жаңғырық...
Жамандық жарға жығады,
Оралар итше қаңғырып...

Шалқайдың келген кісіге,
Амал жоқ сенген қиылып.
Күндердің күні түсіне,
Тұрарсың оған иіліп...

Заңдылық бәрі үндескен,
Жақсылық тағы қайтады.
Жамандық жасап білместен,
Біреудің болма айтағы...

Тағдырды салма тәлкекке,
Онда тұр адам өмірі...
Адамдық атты келбетте,
Сүру ғой таза жеңілі...

Балаша жүрміз қуанып,
Мәз болдық уақыт өткенге...
Өмір ғой мектеп ұғалық,
Адамдыққа бәрі жеткен бе?!
24.09.2013жыл. .