. . Өмір-сыр...

Қандай жаман өкпелеткен,
Жүректегі жаныңды.
Қиналасың күйіп тектен,
Сындырасың сағыңды.

Ыңғайсыздық бейжай етіп,
Көп жазғырып өзімді.
Ұзақ түнде ойға кетіп,
Жүрек таңда көз ілді.

Әзілдеудің арты зілге,
Ойда жоқта айналды.
Жүрегімде мәңгі гүлге,
Сенім құшақ жайған-ды.

«Басқа пәле тілден» деген,
Артық сөйлеу айып та.
«Доссыз өмір бір кем» деген,
Жалғыз жүзер қайықта...

Кешірімді бола білу,
Сұрау ұлы қасиет.
Бірлігіңде мәңгі жылу,
Ынтымақта өсиет.
16.08.2013жыл. .