. . Өмірге ғашық сезімім...

Кеудені тербеп күй көктем,
Бүгінгі таңым сый неткен?!
Өмірге ғашық сезімім,
Күнімді мәнді, сырлы еткен...

Күз келіп сарғыш жапырақ,
Ерекше өңде атырап.
Аңсауға толы айналам,
Сағыныш мені шақырад...

Сыршыл ғой күзім келбетті,
Керемет күйде тербетті.
Сағынтты саябағына,
Сұлулығына тағы шөлдетті...

Сол бақта менің аңсауым,
Рахат таптым қанша мың.
Уайым мен мұңым ұмытылып,
Басылар барлық шаршауым...

Орманнан таптым оттегі,
Басқа жер оған жетпеді.
Қаншама жылдар өтсе де,
Ойымнан бір сәт кетпеді...
18.10.2013жыл. .