. . Немеремен басталар керемет күн...

Оянамын немереммен қуанып,
Бір Алланың құдіретіне жұбанып.
Күні түні мені атап жүретін,
Бұл кішкентай бір алып...

Сағынамын, сәл көрмесем дидарын,
Бәрі соған азды көпті жиғаным.
Тәубә етемін, Аллаға тек алғысым,
Қуанышты, бал - бақытты қиғанын.

Ата деумен елжіретті жанымды,
Тілімен бал көркейтеді бағымды,
Апасының арқасынан түспейтін,
Тым қызулау көрсетіп тұр қанымды...

Тәй-тәй басқан қадамына қызықтым,
Балдан тәтті қылықтары бұзықтың.
Өз балаңа өршелене ұрсасың,
Немереңе жүрегіңді үзіп мың...

Басқа тірлік мұнша үлес салған жоқ,
Жүректерді қуанышта жарған жоқ.
Немеремен басталады өмірің,
Шөберенің тойын көрсек арман жоқ!!!
23.08.2013жыл .