. . Қонақ өмір...

Қонақжай қазақ көрдім тұра қашқан,
Қал жағдай тым болмаса сұрамастан.
Тау көңілім тастан болды шағылғандай,
Кештетіп үй іздедім жыламастан...

Қонақжай қазақ көрдім тайып тұрар,
Мұсылман ең болмаса жайды сұрар.
Ыңғайсыз, ұят болды ма? деген жан жоқ,
Келдің-ау, кеттің деген мойын бұрар...

Қашты ма ырыс құтын жеп кетердей?
Кей пенде жалған жасап текке өтердей.
Еліне келген асыл қонақты да,
Саяздығын білдіріп шеттетердей...

Қайда екен Төлебидің тектілігі?
Үш жүздің басын қосқан ептілігі...
Адамдар майдаланып барады ма?
Өзіне есеп берер жетті күні...

Бұл күнде шындығында аш адам жоқ,
Бір күндік қызығына мас надан көп...
Аз сәтте таяздарды танып білдім,
Таудан қайттым бабаммен көңілім тоқ...

Кім білсін қайта айналып көреміз бе?,
Өлеңім өрнек салсын өреңізге.
Адамдар бір күн қонақ бір-біріне,
Түсінбей о дүниеге енеміз бе???...

02.09.2013жыл. .