. . Сезім сенім...
Қинама мені, өзіңді қинап қайтесің?
Жүректе қайта оянып сезім өртесін.
Қиылған бақта, қол бұлғай тағы шақырып,
Еріксіз мені ерітесің...

Қинама мені, онсыз да жайым белгілі,
Ақ қайың болғам тербелген түбі жел күні.
Табиғатымсың жаныма жылу беретін,
Түсінесің ғой сен мұны...

Қуантсай мені, тартымды болған тал құрақ,
Аққудай болып жүзейін көлде балбырап.
Шаттана күліп шырмалған ойдан шығайын,
Ұмытылсын уайым, мың сұрақ...

Қуантшы мені, көңілім соны қалайды,
Саябақ қана демеуші болып жарайды.
Сұлулығыңмен бағымды әсем еттің сен,
Ақ таңым едің арайлы...

Қуанттың мені, өмірге шуақ шашқандай,
Сәбише күлдім өмірді жаңа ашқандай.
Адамзат сірә бақытты бола алмайды,
Сезіммен сенім басталмай...
16.08.2013жылы .