. . Табиғат сыры...

Тербелтіп тұрар тартымды,
Тебірентер табиғатымсың.
Өзіңе үміт артылды,
Қол жетпес алыс алтынсың!

Көңіліме көрік қосатын,
Өзіңсің жарқын жарығым.
Таңымсың көңіл ашатын,
Аңсаумен тағы арыдым...

Жапырақ болып дірілдеп,
Сәулеңе тұрдым бұрылып.
Шығатын күнсің күлімдеп,
Шуағыңа жүрем жылынып...

Жанымның алаң алауы,
Тартылдым күн-түн тылсымға
Жүректің жыры, қалауы,
Сен жақта тұрар бұл сында...

Шаттанып кетем үніңнен,
Қуанып сенің барыңа.
Сағынып сені күнімен,

Тәубе етем осы бағыма...
19.08.2013жыл. .