. . Жұмбақ қыз...
Табиғаттан танып сенің жүзіңді,
Жанды ерітер жүрек жырым түзілді.
Саябаққа самал болып келдің де,
Сағыныштың жапырағы үзілді...

Күз келбеті салып сенің бейнеңді,
Аңсауына алып келді көлге енді.
Сары ала күз алтын түске боялып,
Қалдырып бір кеткендейсің жейдеңді...

Аралаппыз әрбір түпті армансыз,
Ешнәрсе жоқ мұнда сірә талғамсыз.
Бір жылылық қалып қойған кеудемде,
Аңсауына жетелеген ормансыз...

Күн құйылып, сәуле шашқан дидарың,
Қуаныштан мына әлемге сыймадым...
Сұлулығы өзіңменен үндесіп,
Саябақты сен екен деп қимадым...

Қаншама жыл өтіп кетті арада,
Саябаққа соға алмадым қалада.
Мәңгі жас боп сымбатыңмен сүйінтіп,
Жұмбақ болып қалдың ару санада...

Табиғаттан танып сенің жүзіңді,
Жанды ерітер жүрек жырым түзілді.
Саябаққа самал болып келдің де,
Сағыныштың жапырағы үзілді...

07.11.2013жыл. .