Меню
Назад » »

Келер көктем...

загрузка...
Келер көктем...

Көп жақсылық күтемін мен көктемнен,
Жылылығы анамыздың дидары.
Қайран өмір уақытпенен шектелген,
Осы екен ғой қинары...

Әкем болып қарап тұр ғой асқар тау,
Қарлар бейне әппақ қырау шашындай.
Тым алыста біз қыдырған жасыл бау,
Қаншама жыл жүрек тұр ғой басылмай.

Көктем құсы сол әніне салғаны,
Жұдырықтай жүрек кетті дүрсілдеп.
Еміренген елес екен қалғаны,
«Мені ұмытпай жүрсін»-деп.

Сырлас ағаш бүршік ату алдында,
Самалы боп жеттің сұлу ақ таңның.
Өзгермедің мөлдіреген қалпыңда,
Періштедей таза күйде сақталдың.

Келер көктем жақсылықпен ырыспен,
Жауынымен молшылығын үйіп те.
Өмір сүргім келді жаңа тыныспен,
Жүрегімде ардақталғын биікте!
17.02.2012жыл.
загрузка...
Никто не решился оставить свой комментарий.
Будь-те первым, поделитесь мнением с остальными.
avatar