Меню
Назад » »
Саған қарап, сезіп жарық сәулені,
Дидарыңнан бір жылылық сезіліп.
Мың қуаныш сезіледі мендегі,
Жанарыңа кезігіп...
Қарашығым-ау...
Сақташы өзіңді тек,
Не болды жаның жүдеп?
Қарбалас мына өмір...
Сағыныш бойда үдеп...
Сен мені қуант, қуаныш жанның тұрағы,
Өзіңмен ғана жағылар сезім шырағы.
Жалтаңдап саған, көңілім көктем сезініп,
Көргім кеп сені тұрады...
Сезімге толған бар әлем...
Құпиясы толы құлыпта.
Қуанышқа сені бөлеген,
Ерекше жан бар, ұмытпа...
Көрінбей жүрсің сағыныш күйді маздатып,
Алаңдай бердім өтсе де тіпті аз уақыт.
Көңілде кірбің, жабырқау жаным елеңдеп,
Жастығым қайда саз бақыт?
Өзгеріс керек, жақсылықтарға бұратын,
Жаңару үшін гүл-көктем керек көңілге.
Адамдық бейнең имандылығымен тұратын,
Саналар биік өмірде...
Қуаныш екен, өзіңмен бірге,
Ғажайып екен сырласқан.
Сыйластық айна - айнымас жүлде,
Өмірде келер сынбастан...
Сағынып кеттім ғой сені...
Бағымдай бағаладым да.
Өзіңсің сұлулық кені,
Айдын көл жағалауында.
Қандай жақсы көңіл шіркін жарасса,
Жүрек ынтық сыйласуға таласса.
Түсінісу адамзатқа мәңгі сый,
Өмірдегі арман іске бәрі асса...
Заңдылық бәрі, ол заңнан пенде аспаған,
Құл болу хаққа, айтылар арнау бастағы ән.
Балшықтан болдық, адамдық толық өтелсе,
Топырақ болып, сол жерді қайта жастанам...
1 2 3 ... 18 19 »