Наставник - сайт Открытых уроков. Учителя Казахстана. Образование в Казахстане
.
.
Керемет күн

Керемет күн

. Керемет күн
Бүгін де керемет күн елесеңіз,
Көңілмен күн мен айға теңесеміз.
Сағынған жанның есітіп жылы сөзін,
Кейінгі жас ұрпақпен тең өсеміз...

Шіркін-ай қандай бақыт осы шағым,
Қызық көп, қиындыққа жасымағын.
Бүгінмен бітпейді ғой қоңыр күйің,
Ертеңмен шырқалады асыл әнің...

Мән берсек барлық бақыт ортамызда,
Кешегі жалын жігіт – қарт - аңыз да.
Өткенге сағынышың бітпейді екен,
Көп жанның үміттерін артамыз да...

Бүгіннің қуанамыз сиын алып,
Бар жоққа қанағат қып шынығалық.
Жақсымен жайраң қағып отырасың,
Жаманның пиғылы жат, сыры да анық...

Мұң күйді әсем әнге алмастырсақ,
Ең керім, ең әдемі осы бір шақ...
Өмір де өрнек болып кетер еді-ау,
Әр күнді жаңалыққа жалғастырсақ...
06.09.2013жыл.
Просмотров: 1446
.