Өмір сүру - сәттілік

Өмір сүру - сәттілік
Сұлулықты сүйіп өстім, тартылдым,
Кәусарына қана алмадым өмірдің.
Бақыт сыйлар жанарыңда жарқыл мың,
Күн сәулесі көңілдің...

Арманына асығады адамзат,
Бірі ме едің тағдырымен күрескен?
Ақылдыға таңылады ғажап ат,
Бақ береке ілескен...

Жас кезіңде көкіректе күй кернеп,
Ой санаңды шырмап алар гүл сезім.
Ең аяулы бір ғажайып үн тербеп,
Тым ардақты қайталанбас бұл кезің...

Табиғаттан ұқтым сенің жаныңды,
Мөлдіреген жапырақта сыр анық.
Жаз дидарлы жансың өзің жағымды,
Тазалықтан құралып...

Әдемілік әрлендірер жаныңды,
Сұлулықтан сезінесің тәттілік.
Сақтай алсаң абырой мен арыңды,
Өмір сүру – сәттілік...
15.06.2012жыл.
18
Декабрь
0
654
загрузка...
Loading...

Комментарии к записи: 0

avatar