. . Сезім сыры
Ақ жауын құйып көктемгі,
Тазартып кетті жанымды.
Сезімнің сыры жетті енді,
Еске сап әсем бағымды...

Аңсадым көркем шыршаны,
Жаным да күйге бөленбек.
Естілсе бұлбұл жыр әні,
Қаламын тағы елеңдеп...

Көркімен тербер көл беті,
Аққулар жүр-ау алаңдап.
Көңілімнің керім келбеті,
Сол жерде ғана қаланбақ...

Ағаштар құшақ ашты да,
Тербеліп кетті гүл құрақ.
Әлемді сезім басты да,
Сағыныш етті үн құрап...

Табиғат екен тартылған,
Сезімге бәрін бұрғандай.
Сенім мен үміт артылған,
Үндестік әлем құрғандай...
20.05.2013жыл. .