Меню
Назад » »

Табиғат

загрузка...
Табиғат

Мен өзіңді табиғат деп қалғанмын,
Келбетіңнен бүршік жырын жарғанмын.
Ақ қайың боп көрінгенсің алдымнан,
Жылдар өтті елесіңе алдандым.

Сұлу болып көрінгенсің шыршадай,
Сүйкімді етіп жаратар ма-ай мұншама-ай?!
Көңіліме көрік бердің күн болып,
Жыр қып келем, сыр қып келем, тұмшалай...

Қарақаттай жанарыңмен мөлдіреп,
Қарағансың, жаным кеткен елжіреп.
Саябаққа барғым келіп тұрады,
Кім күтеді мені онда келді деп?

Жапырақтан мен өзіңді таныдым,
Сағыныштан сарғайғандай жаны мұң.
Саябақтай тартымдысың мәңгілік,
Адамдықпен сақтап ару қалыбын!

Табиғатта жаздым жанның жарасын,
Саябақта сұлулық пен жарасым.
Аңсай түсіп жанға рахат ауасын,
Бар пейіліңмен, бар есіңмен ауасың...

Саябаққа жүрек дүрсіл қаққаны,
Көңілім сонда ашылады ақ таңы.
Бар адамзат ғашық болған ғаламға,
Өз әлемін табиғаттан тапқаны...
19.09.2013жыл.

Табиғат

Жаңбырын төкті көктемнің күні таңменен,
Жанданды өмір асыққан әрбір жанменен.
Көрінбей көптен көңілімнің саябағы боп,
Сарғайттың сағым сәнменен.

Мөлтілдеп тамшы дүние бейне жаңарған,
Аңсарым ауып ауамен тағы қана алғам.
Табиғат мені тартылыс күшке айналтты,
Бұлбұлы сайрап және алдан.

Сұлулық баурап, әсемдік естен тандырды,
Табиғат жұмбақ, шешілмес сырлы, сан қырлы.
Құшаққа алған қамқоршы қалың қарағай,
Мәңгілік жас боп шыршалар жүрек жандырды.

Сырласым болып келіншек тал да бұралып,
Құшағын жайып тұр ма екен ағаш бір алып?
Сол жақта мені көлімен күтер көктемім,
Сезімім тұрар құралып...

Періште бейне сол жақта сұлу құрағым,
Кеудемде күй боп төгілер мәңгі жыр ағын.
Жаныма жақын үндесер табиғатыма,
Тартылып күнде тұрамын...
14.05.2012жыл.

Табиғат
Табиғатқа жаным асықты,
Көңілім оны шын қалап.
Сұлулыққа санам ғашық-ты,
Дертімді емдер мың дарақ...

Аңсадым аққу көлімді,
Көруге тағы ынтықтым.
Сол жерде бастым шөлімді,
Сезімім «Сен»-дер сырды ұқтым.

Иіле қалған шыршаға,
Сырымды айтып сырластым.
Сағыныш келіп мұншама,
Жүректі жаулар күй тасқын.

Таза ауа керді кеудені,
Саябақ тартты наз артып.
Аңсау да жанды кеуледі,
Жаңбырмен келді тазартып.

Сол бақты мәңгі қаладым
Бақытқа мәнді енердей.
Алаңдап тағы қарадым,
Алдымнан шыға келердей...
05.11.2013жыл.
загрузка...
Никто не решился оставить свой комментарий.
Будь-те первым, поделитесь мнением с остальными.
avatar