Наставник - сайт Открытых уроков. Учителя Казахстана. Образование в Казахстане
.
.
Тартылыс

Тартылыс

. Тартылыс

Табиғатқа барғым келіп кеткені,
Бір тартылыс ынтық етті жанымды.
Сағынышым аңсауға енді жеткені,
Еске салды бағымды...

Шырша иіліп, күтіп алар шаттана,
Алып емен сыр шертеді сағымда.
Сұлулықпен самғар көңіл мақтана,
Көл күлімдер шағылысып лағылда...

Аққулары назын артар иіліп,
Балықтары көздің жауын алады.
Талықсисың табиғатқа сүйініп,
Жан демалып қалады...

Күйкі тірлік ұмытылып, ес жиып,
Ағаштармен қауышасың бауырдай.
Шақырады мөлдіреген бес киік,
Көңіл шалқыр тазаратын жауынға-ай...

Табиғаттан демеуші күш табасың,
Тылсым күйді жаным бүгін сағынды.
Тазалықтан тауып барлық жарасым,
Аңсап жүрмін бағымды...
27.05.2013жыл.

Тартылыс...
Самалы желпіп, аялай елітіп, еліткен,
Табиғатыма еміне енем неліктен?!
Суы бал кәусар, желегі аңсар, адамның,
Уайымын бір сәт кеміткен...

Сұлулықты аңсап, шалдығып шаршап, жетемін,
Бала боп сірә, дана боп мұнда кетемін.
Шабытым менің қырандай көкте самғатса,
Бәрін де жақын етемін...

Көңілімнің қалап көрікті етер көркемін,
Жақсыға жарық жанымның жайып желкенін.
Табиғат-ұстаз тазалығымен тәнті етер,
Өнегеге өріп өркенін...

Табиғат ғана тылсыммен бойды тербеткен,
Тіл жетпес көркем керемет еді бұл неткен?!
Сұғынып тұрып, сұлулығына тағы тоя алмай,
Иесің басты құрметпен...

Табиғат-сиқыр, көңілің көктем тасынар,
Адамзат ғана саналы аңсар, ашығар,
Сәбидей көркем болмысы, түпкі тамыры,
Табиғат тартып, асығар...
18.06.2013жыл.
Просмотров: 1355
.