Меню
Назад » »

Қыз ғұмыр...

загрузка...
Қыз ғұмыр...

Қыз ғұмыры қызғалтақ қой көктемгі,
Өте шығар жаңбырлы күн себелеп.
Сезімменен ауыратын дерттен-ді,
Отқа түсер көбелек...

Нәзік талдай, бейкүнә пәк жаралған,
Мәңгілікке тұратындай көрінер.
Аққу құстай айдынында таранған,
Тектіліктен терілер...

Қысқа ғана қыз ғұмыры бірақ та,
Сүйгеніне қосылғаны тәуір-ау.
Ата-анадан алыстайды жыраққа,
Қыз тағдыры ауыр-ау...

Іште қалса қиын болар мұң шері,
Өте шығар көктем жазы елестей.
Сенімділік махаббаттың өлшемі,
Бақыт келмес күреспей...

Сұлулықпен қыз ғұмыры келте еді,
Тектілігі жақсылыққа бұрғандай.
Ойлап тұрсаң өмір қысқа ертегі,
Дәлелімен тұрғандай...
05.06.2013жыл.
загрузка...
Никто не решился оставить свой комментарий.
Будь-те первым, поделитесь мнением с остальными.
avatar